鋒少甜品

营业中

休息中

同友人喺附近饭局之后，想食甜品，呢条街有两间甜品，我哋就望吓有咩食先决定入边间。一睇之下，我已经即刻决定咗入呢间，原因系佢有清心丸食。香港唔系好多间甜品舖有清心丸，平时想食，只可以过海去合成甜品。如果呢度好食嘅话，我以后就唔使过海，所以即刻决定入去试。大部份人食清心丸，都系食清心丸绿豆爽，但系我就钟意食清心丸马蹄露。一般清心丸配热嘅糖水食会好啲，但系呢间嘅马蹄露只有冻食，但系我因为太想食清心丸，所以都照加。的确，如果有热马蹄露会更加好，不过唔使过海就有得食，基本上我都满意