膳德福素食 (已結業)

做完嘢，去到旺角，好想食素，上OR揾资料，见到评语唔错就去试试。去到见到招牌好多尘呀，而玻璃门又睇唔太清楚店内，平时嘅我一定直行直过。星期六一点半，店内都几多人。要了蕃茄浓汤杂菜乌冬和沽卤肉。个乌冬真系好大碗，好多乌冬，反而菜相对少，相信菜有轻轻炒过，汤面有啲油，而汤都真系几浓，味道亦不错，系乌冬唔弹牙。沽卤肉，我估肉系面筋做嘅，有啲焾，唔太有咬口。好多酱汁，甜味为主，酸味只有少少，钟意多酱汁嘅应该会几钟意呢味菜式。本来一心冲住佢嘅素水饺而嚟，点知嚟到餐牌写住暂停，好伤心。卖单138，其实都几多选择，日，泰，中式素菜都有提供。如果喜欢素又想简单的，是不错的选择。