榶意泰式粉麵

营业中

休息中

每次去开东九龙都一定要来报到，系充满童年回忆嘅地方。虽然呢间食店开业只系几年，但住开蓝田嘅朋友对佢一定唔陌生。佢嘅前身系响蓝田地铁站口嘅一间泰国菜馆，我由小学食到中学，经历咗佢几次因租金太高而结业，更难忘嘅系每次结业前会约返一大班朋友去食，仲有街坊们都会排长龙去买招牌咸肉，然后会失落，然后再静候佢再开业嘅消息。今次再回归开咗响油塘一个小屋苑商场，初次嚟就唔算易揾。店面细咗，食物种类就改为主打粉面，但都够晒杀食啦呢次用餐时间系周末既下午，人唔算多， 坐响室内位， 大部份嚟嘅食客同我地一样唔驶睇餐牌都识落单。平时我嘅必点之选系咸肉猪红泰粉，咸肉出色唔驶介绍，反而佢嘅猪红特别够味好食就少啲人知㖞！不过由于近期要戒口，所以就点左咸肉鱼蛋泰喇，后来再望返餐牌先知原来鱼蛋都系隐藏食品嚟有𩠌有粉有芽菜，有啲卤水汁要搞吓先好食。汤头一定够热，咸肉如常极品，就算点咗汤都劲脆口，鱼蛋又够弹牙，基本上每次水准都好稳定泰国菜博大精深，以往系泰国食过好多都唔系呢啲料，汤头又大多有内脏，反正我对最正宗嘅泰粉系冇咩概念，所以全球最好食我会拣呢间而且长大后仲能够把最原始嘅童年味道分享俾喜欢嘅人，我食出嘅仲有一份感激嘅