阿波羅

营业中

休息中

阿波罗系好多80后嘅集体回忆，佢最出名当然系佢嘅鲜果甜乳酪。另外，已经唔记得由几时开始佢都开始卖埋捞面，咖哩鱼蛋，烧卖，芝士肠等等，呢啲学生哥至爱嘅小食。以前细个放左学都会同三五知己去阿波罗high tea完先返屋企温书做功课。 今日经过其中一间分店，即刻入去怀缅一下。鲜果甜乳酪，固名思义就系用新鲜生果而制成嘅乳酪，生果方面可以拣蓝莓，荔枝，芒果，西瓜，士多啤梨，椰子等等。每杯乳酪都可以选两款生果($40)同埋选择用杯装或珍宝筒。如果想劲啲仲可以选择杂莓口味($43)。 鲜果甜乳酪 - 蓝莓+士多啤梨 蓝莓味同士多啤梨味好夹，比较岩岩好，每一啖都会先食到蓝莓味，而士多啤梨味会之后再出黎。 鲜果甜乳酪 - 西瓜+椰子 西瓜同椰子都系属于夏天嘅生果，呢个配搭既消暑又解渴，夏天食完有一种透心凉嘅感觉！ 味道依然系细个果只味道，咁好味嘅乳酪一定要回头。