茶木‧台式休閒餐廳 (已結業)

今日收咗工就同同事来到啱期待已久嘅小丸子茶木餐厅，好想试吓呢度嘅嘢食，咁就叫咗三个食晚两杯嘢饮：小丸子番茄肉燥鳗鱼饭周围系番茄肉燥酱汁加上日式蒲烧鳗鱼，一开始觉得鳗鱼同蕃茄肉操酱点会衬配到呢？ 但食落原来又几好 酸酸甜甜既肉燥酱汁几开胃，而且造型讨好，应该好多人都会钟意。小玉南瓜海鲜魔法呢个以海洋为主题既主菜，一开始时都好好奇佢迷你南瓜当中会有放著什么食物，原来有新鲜加拿大龙虾尾、智利蓝青口、鲈鱼等材料好足， 加埋佢个南瓜酱汁唔单止野味亦唔会好腻，旁边亦炸花枝丸及蔬菜，可以令主菜更有营养之余萝卜等装饰令到菜色相很好！小丸子热香饼我谂系似海滩嘅卖相，蓝色奶盖酱同饼干碎嚟扮海同沙滩，感觉有惊喜，好唔舍得食，再加士多啤梨、香蕉、奇异果粒粒，味道层次不同 ， 但却有满足感！花伦玫瑰咖啡拿铁呢度嘅玫瑰咖啡个咖啡味唔系话相当浓但玫瑰味却很香，好适合大众食客！爷爷抹茶欧蕾呢个抹茶有惊喜，佢唔系话好甜但抹茶好香嘅味道好啱不重口味既人！最后呢度全间铺头都布满小丸子嘅装饰令到喺繁忙嘅工作生活中可以有忙里偷闲同埋揾返童真嘅回忆，整体来讲都非常之满意 必定会再试！