新高麗苑韓國餐廳

营业中

休息中

曾几何时，韩烧自助餐当道，当年有汉和、汉阳院等，一班年青人就系狂风扫落叶咁狂烧狂食，个个都好似食肉兽咁，尤其是d男仔。而当年的我，最喜欢的韩烧自助餐就是新高丽苑。时隔多年，以前最出名的韩烧自助餐好似都执得七七八八，唯独新高丽苑依然继续做紧生意。咁多年无去，再黎番呢间餐厅，最想既唔系食个够，而系好想重拾童年回忆，顺便带个女去见识下呢d老店。门口𠮶三十级楼梯，简直系考验一下为食的食客，我们一家当然无问题啦！呢度咁多年黎都系街坊价，夜晚自助餐价钱真系唔贵，而且无限时食物的种类同以往差不多，我最喜欢的是牛舌，老公最喜欢烧排骨，囡囡最喜欢肥牛。我们一致觉得烧菠萝无得输，又甜又多汁。韩烧当然唔少得配菜啦！配菜都真系款款都好味，尤其是酸青瓜同埋豆腐卜呢度有少量热食，我食咗个猪脚姜，炆得好入味呀！甜品方面，真系令我童年的回忆番番哂黎！有凉粉、啫喱、melona雪条、牛奶公司的雪糕。讲真，全部都唔系咩贵价野，但就系儿时快乐的泉源。呢餐饭，食得开心既唔止系因为d食物，仲系情怀。事实上，整晚帮衬既客人唔多，walk in 都大把位，希望呢间老店可以继续经营落去，我地一定会再番黎帮衬！