秋田日本料理 (已結業)

因为小学中学都喺附近，所以基本上秋田系我童年回忆，真系细细个食到大。眼见屯市嘅餐厅转了又转，华都底层嘅餐厅就相对比较长做长有，秋田点解可以屹立不倒？其实讲味道真系非常一般…哈哈。不过价钱平，服务都算唔错，系区内嘅平价港式日本料理，有时谂唔到食乜都会过黎，虽然我身边有啲朋友话好垃圾，哈哈，我个人觉得还好。黎秋田通常我都系食热食，因为佢地嘅寿司真系一般般，饭系好大旧，而且硬身 (晚市比较好，饭冇咁硬)。热食当中我通常系拣呢个豚肉生姜烧定食，最正常无伏…一份定食连汤、小食、饭、热饮，午市大概$55，晚市食大概$70，无加一。