嘉頓咖啡店

营业中

休息中

又返黎深水埗黄金， 买完野去左嘉顿咖啡店食下午茶。 呢到下午茶唔算平，平均都4，50蚊1个餐， 但都唔少人帮衬， 因为真系好坐， d位又阔落。2个人叫左2个set加2件蛋糕。咸批： 系菠菜烟肉批跟餐， 菠菜烟肉批除左系starsbuacks 同Pacific coffee, 其实其他地方好少见到有得卖。卖相几靓，批底薄馅多， 仲有d沙律菜系伴碟。另1个叫左松露炒蛋跟肉桂卷：个炒蛋上面唔算多松露， 但食落就好香松露味。个肉桂卷唔系美式个种有icing 同甜到腻既感觉， 反而系外脆内软带少少肉桂香。跟餐饮品再叫左2个蛋糕。黑森林蛋糕： 系相都睇得出个cream好薄， 最钟意呢d旧式蛋糕， 唔似美心咁， 1半都系cream。 内馅有车厘子肉同啫喱， 好怀旧。蓝莓蛋糕： 上面个层莓酱好正， 酸酸甜甜， 而且好多蓝莓粒。2件蛋糕都好湿润好好。埋单2个人141蚊， 下午茶呢个价唔算平， 但我地真系食左好多。食完下面仲有嘉顿饼， 面包可以买走。成个黑森林蛋糕都可以打包走。