AnyMomentCafé

营业中

休息中

而家喺香港搵一間boardgame cafe 真係唔係咁容易，仲要係冇限時 。最低消費係至少一杯飲品 。呢間舖頭真係名正賢實既cafe，舖頭係真係有嘢食，而且都叫佢幾好食 。今次叫左鴨胸意粉，同埋煙三文魚螺絲粉 。份量嚟講都叫做幾大，飲品嘅話價錢稍為貴，但係你當係一個入場費 。飲品真係貨真價實落咗水果。店主好friendly，主動介紹我哋有啲乜嘢game可以玩，而且仲表示可以教我哋玩 。成個氣氛好warm好溫馨，亦都會問吓嘢食夠唔夠飽，有少少家嘅感覺 。除咗個入口有少少難搵，個入口喺巷仔入面，唔係咁容易搵到呢個缺點之外，都真係搵唔到有啲乜嘢缺點 。另外就係因為地方唔係咁大，真係最好預約，如果唔係真係有機會冇位或者冇開舖 。