AnyMomentCafé

营业中

休息中

而家喺香港揾一间boardgame cafe 真系唔系咁容易，仲要系冇限时 。最低消费系至少一杯饮品 。呢间舖头真系名正贤实既cafe，舖头系真系有嘢食，而且都叫佢几好食 。今次叫左鸭胸意粉，同埋烟三文鱼螺丝粉 。份量嚟讲都叫做几大，饮品嘅话价钱稍为贵，但系你当系一个入场费 。饮品真系货真价实落咗水果。店主好friendly，主动介绍我哋有啲乜嘢game可以玩，而且仲表示可以教我哋玩 。成个气氛好warm好温馨，亦都会问吓嘢食够唔够饱，有少少家嘅感觉 。除咗个入口有少少难揾，个入口喺巷仔入面，唔系咁容易揾到呢个缺点之外，都真系揾唔到有啲乜嘢缺点 。另外就系因为地方唔系咁大，真系最好预约，如果唔系真系有机会冇位或者冇开舖 。