FAMA (已結業)

跟住大埔人揾食，今日走到工厦既Cafe，一入餐厅可以先揾位，坐好、拣好食咩、就出返门口order， 少少快餐形式，之后食完都记住执返好张枱先走。但食物好食，环境舒适就够晒😌单睇环境，因为系工厦入面，地方好大，唔洗好迫咁坐，等疫情过后，好合适一大班朋友聚会。而且重有漫画、board game俾客人自己拎黎睇同玩，佢d漫画有幽游白书、漂流教室等等，好有回到童年🫢「富士山下西多士」系雪糕西多士，先讲西多士，有返一定厚度，中间搽有花生酱，新鲜炸出黎热辣辣好挺身，唔会淋咗，再加埋冻冰冰既云呢拿雪糕，已经可以唔需要糖浆或者炼奶。「瑞士鸡翼拼薯条」呢个就正常发挥，唯一就系好大份…足足8只鸡翼，煮得啱啱好，入味但又唔会煮到烂晒。「蒜香软壳蟹意粉」意粉煮得啱啱好，有口感唔会太坚或太淋，应该系用橄榄油炒香，唔钟意好汁既就啱，软壳蟹有肉地，少少脆身！我个人最钟意会系呢个意粉。另外叫左两杯梳打，一个系荔枝爆珠，另一个系西柚，两个黎讲我会偏好荔枝，但我会走爆珠 >o<