椰林閣餐廳 (葵涌商場)

营业中

休息中

椰林阁喺以前香港有好多分店，不过基本上好多分店都闩得七七八八，其中一间开到依间依然屹立不倒嘅分店就系葵涌邨嘅呢一间。我哋嗌咗一份全餐，沙嗲牛肉面颜色较淡，食落去有浸淡淡嘅清鸡汤味，但系略嫌沙嗲味不足，如果钟意淡味嘅人可能会几钟意，但系相比起普通茶餐厅嘅沙嗲牛肉面，冇咗咁浓嘅沙嗲味就好似冇咗佢嘅特色咁，所以我觉得一般。反而佢嘅多士做得好出色，食落去好脆，而且已经帮你搽咗牛油，食落去方便又好食。 炒蛋同肠仔就冇咩特别同一般食到嘅味差唔多。跟住我哋再嗌咗一份当日先有嘅午餐餐牌嘅焗鸡皇饭，鸡肉食落去几嫩滑，唔会话焗得太老，面头嘅芝士味都有融入去个饭入面，比起一般茶记做得算系出色。