影片
更多
2022-06-23
277 浏览
🔻新界探完亲戚，唔熟路附近揾野食，见到呢间柠檬冰室装修几醒目，又贪就脚就入去食晚餐。冰室新净光猛，室内鲜黄色做主色，装修走年轻风格，令传统的冰室感觉加上一份活力。🌕 秘制无骨海南鸡配香茅油饭 💲68🌟海南鸡饭看似最稳阵，事实上暗藏细节位。海南鸡去骨值得一赞，去骨之余无骨碎系重点，亦都系坊间唔少去骨海南鸡饭既中伏位！试一试主角，鸡系脾位同胸，唔特别肥，无雪味，合格，加上海南鸡必配既酸辣酱汁同黑酱油，整体比我想像中超水准！🌕 板烧西冷扒伴吉列虾配蘑菇汁，意粉 💲85🌟冰室食扒餐系必须，但可惜自己对铁板感觉唔太好，就要碟上！西冷扒份量大，有厚度，仲要唔系豉油西餐果种梳打粉牛扒！加上一只吉列虾同色彩缤纷既茄酱意粉，即刻记起细细个屋企人带去茶餐厅食扒餐果种开心而简单既仪式感！🌕 瑞士鸡翼 💲36🌟人大左就系贪心，一餐要叫小食先满足！细细碟瑞士鸡翼，食得出唔系单单用超级市场瑞士汁，无死咸死甜。鸡翼亦都无煮到烂晒或者放到干实晒👍🏾🌕 华田红豆冰 跟餐+💲8🌟红豆冰又系冰室必叫，见到有杯叫华田红豆冰咁新颖，一于试试佢！粒粒红豆煮得腍甜，估唔到华田味同红豆冰咁夹，饮多两啖发现咁夹既原因，原来有磨烂左既
新界探完亲戚，唔熟路附近揾野食，见到呢间柠檬冰室装修几醒目，又贪就脚就入去食晚餐。
冰室新净光猛，室内鲜黄色做主色，装修走年轻风格，令传统的冰室感觉加上一份活力。
🌕 秘制无骨海南鸡配香茅油饭 💲68🌟
海南鸡饭看似最稳阵，事实上暗藏细节位。
海南鸡去骨值得一赞，去骨之余无骨碎系重点，亦都系坊间唔少去骨海南鸡饭既中伏位！
试一试主角，鸡系脾位同胸，唔特别肥，无雪味，合格，加上海南鸡必配既酸辣酱汁同黑酱油，整体比我想像中超水准！
🌕 板烧西冷扒伴吉列虾配蘑菇汁，意粉 💲85🌟
冰室食扒餐系必须，但可惜自己对铁板感觉唔太好，就要碟上！
西冷扒份量大，有厚度，仲要唔系豉油西餐果种梳打粉牛扒！加上一只吉列虾同色彩缤纷既茄酱意粉，即刻记起细细个屋企人带去茶餐厅食扒餐果种开心而简单既仪式感！
🌕 瑞士鸡翼 💲36🌟
人大左就系贪心，一餐要叫小食先满足！
细细碟瑞士鸡翼，食得出唔系单单用超级市场瑞士汁，无死咸死甜。鸡翼亦都无煮到烂晒或者放到干实晒👍🏾
🌕 华田红豆冰 跟餐+💲8🌟
红豆冰又系冰室必叫，见到有杯叫华田红豆冰咁新颖，一于试试佢！
粒粒红豆煮得腍甜，估唔到华田味同红豆冰咁夹，饮多两啖发现咁夹既原因，原来有磨烂左既红豆加入华田，味道变得更夹更融和！
食完呢餐谂返起细个果阵物质上享受比较少，屋企人带去冰室食扒食红豆冰就系最大既乐趣，得闲回味返呢种简单有回忆既comfort food都唔错！
睇返餐牌仲有好多特饮，有黑牛，白雪公主，蛋白杏仁茶，仲有啲特色食物好似柠檬牛油鸡翼，下次可以encore!
张贴
