威龍海鮮酒家

营业中

休息中

龙舟节做节饭今次去到鲤鱼门做节 有好多选择之下我地拣左呢间酒楼加工亦拣左呢间海鲜档六个人六个海鲜拣左东星斑，贵妃蚌，蚬，赖尿虾，东风螺，蛏子 老板好好人 介绍埋点煮 唔讲咁多睇相啦蒜蓉蒸蛏子蒜蓉蒜贵妃蚌两个蒜蒸都好好食 海鲜够鲜味就好食 系粉丝唔系淋身 同埋蛏子有少少沙豉椒炒蚬粒粒有肉既蚬 又大碟 白灼东风螺送啤酒系一流 不过我地系冇饮酒既清蒸东星斑一斤多啲 蒸得刚刚好 好滑好滑好滑清蒸赖尿虾好大只呀 虽然睇唔到平日见到既黄色膏但啖啖有肉 有膏味唔好睇小个钳 又系好有肉地 呢个真心正炒饭 炒通菜不得不赞下个炒饭 粒粒虾都系新鲜弹牙嘅 饭后果 木瓜 芒果呢个果盘真系不得了 每人有一份芒果好甜好甜 听讲之前有巨峰提子食 下次有机会再黎鲤鱼门 我都会再食呢间（因为个果盘）最后唔小得讲下价钱 六个人每人五百蚊唔洗既海鲜餐 我认为值既 服务又好（唔知系咪鲤鱼门太多酒家） 海鲜加工方面 调味岩岩好 唔会太重味遮左海鲜既鲜味想有海景睇不彷试下订位 我见有海景房 环境都唔错 但怕鱼腥既朋友就留意 由于近海同附近有不少鱼档 所以附近都会腥腥地