驊記糕點屋

营业中

休息中

平日骅记最出名就系糯米糍同茶果，但到左节庆就有限定野卖，新年会卖糕，端午就会卖粽。星期一系端午，星期六既中午去到骅记都系斋卖粽，一样排哂队，都要排左15分钟。买左两款，绿豆咸肉粽（$30)同埋瑶柱（$40)。到手个阵仲系热辣辣，放凉之后摆左入雪柜，星期一端午再滚水后落，浸住蒸10分钟食得。两只粽大小相若，价钱黎讲比起市面大牌子系平，加上骅记料都几多，size 都唔细。切左中间或者系侧边，每一啖都一定食到绿豆，绝对足料。咸蛋黄就系侧边。猪肉相对较肥，瘦肉位唔多。去到最边位，都系满绿豆，肥猪肉都系冇瘦位。瑶柱粽切半见到都系满满既绿豆，未见有瑶柱。呢旧猪肉就比较瘦d。切过少少终于见到了。瑶柱都几香，淋身唔鞋。但要俾多$10有粒瑶柱仔，值唔值就见人见智了。唔系夹住瑶柱食既话，都系绿豆粽既味道。两只粽比较，绿豆咸肉粽反而有粽叶香，虽然粽叶应该都系同一处理方法。如果大件抵食既话都一定系食绿豆。骅记另外仲有红豆同碱水粽卖，想试下元朗味道，下年就记得留意住了。