影片
更多
2013-07-29
2114 浏览
由于屋企人全部去晒旅行，所以妹就约两个朋友黎食野，因为可以order多D小食嘛 ，而每次黎华记小食店，都会留意王子有咩野新菜式 ，而每次黎，王子都会有惊喜呢！ 今次排队既时间明显比之前同预期既时间短左好多，只需十多分钟咋 而我两位朋友就觉得呢度好有特色，自己排队拣选，见到乜野想食就叫，一个钟意食肥肠，一个食瘦肠，只要出句声，分菜姐姐都会照辨，同其他店既零交流唔同，比乜食乜!再加上今次黎，外墙翻新过，油上光猛既淡黄色，感觉上好清新，而店面亦整洁好多!朋友食乜就唔介绍啦，小妹就要左油面、肠头、牛膀、黄金萝卜、猪红、猪皮、九菜花、加咖哩汁，合计$41，份量算多，超低!突然见到王子现身，小妹就走去问有乜好野介绍，王子就推介左~唔炸鸡翼、牛骨髓、烧鱼片等，小妹就要左每样一份，因为三款都未试过 油面唔过淋有咬口 肠头唔觉漏喉，卤香十足，无骚味，系色香味俱全 牛膀，好香浓既汁-炆，口感软糯、入味!黄金萝卜，水准之作，用韩国萝卜去炆，大件多汁，一口咬落去D萝卜汁系会多到射出黎既，颜色金黄，正! 猪红入味软滑，猪皮爽口，九菜花好甜 牛骨髓，现今己好小地方有得食，炆至深啡色，好香，应该用
今次排队既时间明显比之前同预期既时间短左好多，只需十多分钟咋
而我两位朋友就觉得呢度好有特色，自己排队拣选，见到乜野想食就叫，一个钟意食肥肠，一个食瘦肠，只要出句声，分菜姐姐都会照辨，同其他店既零交流唔同，比乜食乜!再加上今次黎，外墙翻新过，油上光猛既淡黄色，感觉上好清新，而店面亦整洁好多!
朋友食乜就唔介绍啦，小妹就要左油面、肠头、牛膀、黄金萝卜、猪红、猪皮、九菜花、加咖哩汁，合计$41，份量算多，超低!突然见到王子现身，小妹就走去问有乜好野介绍，王子就推介左~唔炸鸡翼、牛骨髓、烧鱼片等，小妹就要左每样一份，因为三款都未试过
油面唔过淋有咬口
肠头唔觉漏喉，卤香十足，无骚味，系色香味俱全
牛膀，好香浓既汁-炆，口感软糯、入味!
黄金萝卜，水准之作，用韩国萝卜去炆，大件多汁，一口咬落去D萝卜汁系会多到射出黎既，颜色金黄，正!
猪红入味软滑，猪皮爽口，九菜花好甜
牛骨髓，现今己好小地方有得食，炆至深啡色，好香，应该用左牛腩汁黎炆，另到本身无乜牛味既骨髓增添左份牛香而又保持到原味，$15一份一试，超值
烧鱼片，$5份有三大片，够爽，好有烧烤味!
唔炸鸡翼，个名好古怪，$10/2只，原来系用黑糖烟熏，唔干，有个好浓好深色既汁浸住，可能烟熏既关系，油份于制作时大流出，火烟味浓，咸中带微甜，少油份既鸡翼，怕肥既靓女必然之选
后记:两位朋友都好满意呢餐，好近大自然，系食过最特别、最好味既车仔面!由于对面系竹林会有蚊就梗架啦，幸好细心既王子点左个蚊香比我
题外话/补充资料：
每款都系用心之作，唔同集团式运作，味道公式化，值得推介!
希望王子继续努力，创作更多新菜试!
(以上食记乃用户个人意见 , 并不代表OpenRice之观点。)
张贴