吉豚屋吉列豬扒專門店

营业中

休息中

今晚完全冇计划晚饭安排，去到旺角之后就醒起一直都好想试吉豚屋吉列猪扒专门店，今次终于可以试一试。系我前面大约有12至15人排紧队，初时仲以为要等好耐但系唔够10分钟就已经可以入去。（后尾发觉原来佢哋有限时用餐时间，唔怪得知人流可以咁快。）去猪扒店当然要食猪扒啦，因为好肚饿所以饭加底（另外加$9），另外再用$8优惠价+1只天妇罗虾 我嘅朋友就食猪柳拼天妇罗虾。佢哋效率都好高，唔够10分钟我个餐已经到。 如果$70-$80有质素绝对性价比，首先完全感受到块猪扒应该冇落松肉粉，因为都几有肉味同埋唔会过分地滑，咬落去都几有口感。唯一要挑剔嘅就系上菜嘅时候块猪扒唔够热。另外猪扒底下嘅椰菜丝好清甜，枱上面亦有芝麻酱提供，用嚟配椰菜丝就好夹。反而令我最惊喜嘅系佢𠮶碗汤，材料十足，初头以为系普通面豉汤，唔知里便敬足料，有起码四款以上嘅配菜，红萝卜🥕椰菜，白萝卜，仲有豚肉喺里面。至于朋友食嘅猪柳，本人觉得一般。质地比猪扒软，但系肉味唔够猪扒浓。服务方面，会有清水提供，但系都需要收+1服务费。但整体上呢个价钱，加上以上嘅质素，我都觉得系一个唔错嘅吉列猪扒选择。