米走雞Live

营业中

休息中

前几日，终于攞咗人生中第一份工资，然后就谂住带住爸爸妈妈去食晚餐。从朋友𠮶度知道呢间火锅店，睇住环境同朋友嘅评价都好唔错，于是就决定带佢哋嚟呢度食火锅。佢哋呢度嘅menu有好多选择，各种各样嘅汤底。然后我哋决定点咗个超特别嘅锅，黄金芝士鸡煲。啱啱好我哋一家人都非常钟意芝士，然后呢个鸡煲，食完上面嘅芝士鸡又可以加汤变食火锅，感觉点一个然后可以食几种花样。加入汤之后，我哋就把和牛放入火锅度滚。出锅后，𠮶个香味真系一级棒！和牛味道带有啲芝士嘅味道，好独特，但系非常好食。平时都系清汤或者麻辣，今次带有芝士余香嘅火锅感觉都好nice。后来我哋仲点咗啲海鲜，沙白蚬同黒松露蟹籽鱼面。佢哋嘅食材都好新鲜，放入锅度越滚越出味，沾上汤底令到呢啲海鲜变得更加美味，鲜嫩多汁，真系令人回味无穷。最后嘅汤底滚咗咁多食材后都变得更加香甜，越饮越上瘾。好开心嘅晚餐，爸爸妈妈都食到好开心。