CJ Cafe (已結業)

六月十八日夜晚黎食。一行四人。其实早几个月已经听闻过泳池侧边有餐厅，但做左无耐又执左，最后又开返。而且卖广告卖到好行下，美食沙漠的绿洲？！炭烧西冷138蚊，炭烧肉眼148蚊，羊架148蚊。前两者一黎到已经呆左，㶶晒咁㖞，真系黑色既㶶。食落口直情系苦添架，完全系平时烧野食烧㶶左咁样，喂大佬平时bbq烧㶶我都系咬走㶶果个位置者，但佢成旧个面都系㶶架。其后我望下其他枱都系一样黑晒㶶晒咁，呢一刻我明白了，应该系呢间餐厅既特色，炭烧既特色。平心而论，味道系可以既，肉质都不俗，但佢成个面都系黑色既㶶真系接受唔到，每一口都系㶶晒既苦。我唔明白点解会有人赞好。黑松露薯条系腍身既，完全唔似系食紧薯条啰。而且好明显啲酱同黑松露系放得唔均匀。水牛城鸡翼竟然系唔辣既？！但佢个酱怪怪地味，说不出的怪。蓝蝶水晶特饮系几特别，呃下like ，味道不错。讲真佢环境系好好，但食物有待改善。