咖啡韓食 (已結業)

今晚嚟咗置富第一城食饭，见到有间韩国菜🇰🇷就嚟试吓。餐厅提供各式各样嘅韩式餐点选择，有拉面🍜、炸鸡🍗、石头锅饭🍲……今次我就试咗个传统紫菜饭卷套餐。套餐除咗有主食紫菜饭卷，仲有一碗汤、酱油、泡菜同菠菜。卖相都算ok紫菜饭卷馅料系鱼糕、火腿、酸黄萝卜、菠菜🥬、鸡蛋🥚、红萝卜🥕食落味道都唔错，但个人觉得饭嘅口感有啲过硬至于汤同配菜则令我有惊喜😄汤🥣入面除咗海澡，仲有小小肉，味道唔错，调味唔会过咸过淡，冬天❄️饮完成个人都暖哂。两个配菜—菠菜同泡菜嘅味道同样好好👍🏻菠菜有浸韩式醋味道。泡菜小小辣偏酸，我呢啲唔食得辣嘅饮啲水都可以食到建议嚟到食饭卷嘅话唔好单叫，俾多几蚊叫个套餐试吓😄餐厅环境都算唔错每枱都有水同调味料价钱方面传统紫菜饭卷套餐系$53，加埋一$58。