咖啡韓食 (已結業)

星期一下晝入去食下午茶餐廳入面好多位，我坐喺中間，個女侍應喺吧枱就咁叫出嚟，吩咐我坐去窗口位！！佢個餐牌寫住下午茶，但係我問佢嘅時候，佢就話全部都係散叫！佢俾張單我嘅時候，竟然有$5服務費，其實態度咁差，真係唔應該比服務費！佢嘅拉麵只係普通嘅韓國即食麵，一隻似熟，又唔係太熟嘅蛋，睇得出佢係想整溫泉蛋，但係失敗！食物嚟到枱面，佢打開枱嘅櫃桶冇出聲，示意自己攞筷子匙羹！芝士拉麵$40蜜桃汁$10服務費$5

今晚嚟咗置富第一城食飯，見到有間韓國菜🇰🇷就嚟試吓。餐廳提供各式各樣嘅韓式餐點選擇，有拉麵🍜、炸雞🍗、石頭鍋飯🍲……今次我就試咗個傳統紫菜飯卷套餐。套餐除咗有主食紫菜飯卷，仲有一碗湯、醬油、泡菜同菠菜。賣相都算ok紫菜飯卷餡料係魚糕、火腿、酸黃蘿蔔、菠菜🥬、雞蛋🥚、紅蘿蔔🥕食落味道都唔錯，但個人覺得飯嘅口感有啲過硬至於湯同配菜則令我有驚喜😄湯🥣入面除咗海澡，仲有小小肉，味道唔錯，調味唔會過咸過淡，冬天❄️飲完成個人都暖哂。兩個配菜—菠菜同泡菜嘅味道同樣好好👍🏻菠菜有浸韓式醋味道。泡菜小小辣偏酸，我呢啲唔食得辣嘅飲啲水都可以食到建議嚟到食飯卷嘅話唔好單叫，俾多幾蚊叫個套餐試吓😄餐廳環境都算唔錯每枱都有水同調味料價錢方面傳統紫菜飯卷套餐係$53，加埋一$58。

喺門口聽到啲員工講韓文，以為係好正宗嘅平民韓式餐廳，所以入去試吓。叫咗幾樣嘢食，但係所有嘢都淡而無味。。。。連佢枱面嗰啲醬都好淡。。。我諗普通韓國菜快餐都唔會難食到咁，強烈不建議。

叫左碗海鮮豆腐湯，入面全部豬肉，以為上次俾錯左，今次又係咁！海鮮就係兩隻蝦加4粒蜆，當中2粒係吾開殼既🤷🏻‍♀️海鮮煎餅粉多到乜咁，食粉食飽！阿老細扮哂野，韓國人呀吾識聽你講野，英文又吾識。咁點解韓國人開韓國餐廳，野食可以差到咁？

住呢度附近見佢開咁多年都係度， 以為點都OK。 點知係難食到嬲呀， 豬肉腥到重料都食得出，d嘢食得個鹹字或者甜字。完全唔知食緊乜，不知所謂！仲要收呢個價錢，下次唔會再黎。

點了個牛肉飯套餐1）前菜- 芽菜白烚無味，kimchi 無味2）湯 - 好咸3）牛肉飯 - 牛肉勁老、超級「鞋」口，只有甜味汁嘅味道賣相一啲都唔吸引，仲衰過去茶仔食碟頭飯，$53套餐但份量勁少，都唔緊要，連湯都漏到個盤都係！個樓面阿姐落單又唔見佢，出菜又唔見佢，要自己起身出去同佢講煮好咗麻煩拎出嚟😡除咗個老闆係韓國男人之外，我睇唔到呢一間係韓食店！無heart 煮又無heart serve, 真係唔會有第二次！！

咖啡韓食聽朋友講哩度嘅韓食都幾有韓國feel，就嚟試一試。入到去聽到店員有時傾計嘅時候係會講韓文，可能真係韓國人嚟 🤣🤣 平時見韓劇啲人食炸醬麵食得津津有味，一直都想試吓。今次就叫咗炸醬麵套餐。 -------------------------炸醬麵 $52深色嘅醬好似好濃郁，但食落冇想像中咁好味。似係一大pat加左配料蔥同蘿蔔等配料嘅醬油，同埋成碗得2，3塊豬肉片碎。麵條硬度正常。整體一般，冇話好突出。泡菜及拌菜 +$4我哋另外加左4蚊轉套餐，有泡菜同拌菜。泡菜辣度夠，幾爽脆。拌菜係涼拌大豆芽，略嫌唔夠麻油香。蜜糖牛油炸雞翼 $51蜜糖唔會太甜。炸粉唔厚，好鬆脆。雞肉夠滑。哩個好食 芒果梳打, 柚子梳打 +$16糖漿同梳打都夾，正常 👍-------------------------食物性價比唔太高，但環境係有韓國餐廳feel嘅。咖啡韓食地址🎈沙田銀城街1-2號置富第一城 ‧ 樂薈地下83-85號舖

好似係韓國人開推介👍🏻：炸雞（蜜糖柚子）炸得幾脆唔乾 ，味道入味，令人想再食！伏：👎🏻 雞肉海鮮拌飯好普通，海鮮得魷魚幾件，雞肉有的鞋，加醬都好一般炸醬麵 淡，的味濃返的好的，但整體唔好味🫤士多啤梨梳打的士多啤梨似果的濃縮糖漿溝入七喜 唔難飲既 但都好一般總結： 炸雞可以try 其他一般 炸醬唔好叫

第一次去呢間餐廳，外賣自取，叫左辣炸雞，冇辣度揀都唔緊要，佢係辣到冇可能食到，辣到嘴都腫埋，印尼姐姐食慣辣都放唔到入口，辣到成家叫救命，有冇搞錯呀！啲辣直情掂到手都痛，chi sin我想問下餐廳，你哋係咪玩嘢？你要整到咁辣唔該同人講聲普通香港人有乜可能食到咁辣你餐牌講明特辣，好多人根本唔會叫黎食冇誇張，唔信嘅可以自己去試！我包你成盒雞最後會去垃圾桶！垃圾餐廳！以後唔會再係度叫野食！！！伏中之伏！！！

石鍋飯加雞肉$51+6😾食石鍋飯係諗住熱辣辣 但其實得個碗熱 個飯唔熱 所以就算撈完啲飯都唔係好熱 呢個位就有啲扣分😾雞肉要加6蚊 但份量唔多 加6蚊就唔係好抵🥰配料有芽菜，菠菜，泡菜同一粒細蛋 加埋啲辣醬撈都幾好食P.s.聽到老闆娘同店員用韓文溝通呆一呆 所以原來係正宗韓國料理😂？Overall呢個價錢不過不失 如果係附近唔知食咩好都可以試下👍🏻

揀呢個排骨鍋set真係好後悔，成$430唔包嘢飲仲要咁難食，份量又唔算多，話係3-4人餐，但我哋三個女仔都差唔多食晒（為咗唔浪費，唔計啲配菜），性價比極低。啲排骨好似阿媽煲湯嗰啲瘦肉咁，入面得少量芽菜同埋年糕，嗰汁係微辣咸味加味精，啲泡菜係側邊煮到熱晒😅，連嗰蛋同粟米都有啲怪味，芝士叫做好少少，但都救唔返嗰鍋⋯⋯炸雞正常啲，但蜜糖牛油炸雞有檸檬味？一啲牛油香味都冇，肉質都係鞋鞋地又唔多肉。煎餅粉感好重，勁少海鮮，好似食麵粉咁。

外賣自取泡菜炒飯收$112，只有泡菜、飯、紫菜、蛋和芝士⋯⋯完全唔值 味道一般。同一個泡菜泡飯外賣只需$88，明顯亂標價，海鮮價，不推薦。整體食物標價都太高

第一城真係唔多韓國餐廳，不過呢間算係幾好食。每日既lunch menu都有唔同，有幾款會特別平。今次叫左炸雞飯，炸雞同飯都好多，炸雞好脆，入面都嫩滑雖然佢有加mayo，但成個飯整體其他偏乾身。面頭仲有D紫菜碎，可以撈左落飯先食! 朋友就食餃子年糕湯，個D餃子係好大粒個種，湯底係清清地既牛骨湯味，食落好似好健康咁。年糕都幾煙UN，朋友本身冇咩胃口，都可以食曬，算係一個幾好既選擇! 有興趣可以加多少少錢，有埋個前菜，係泡菜個D小菜。其實有唔少韓式餐廳呢D小菜都係免費附送，如果呢到都係就好

蜜糖牛油炸雞(半) 調味炸雞(半)賣相一般但又真係幾好食… 而且都多肉😍不過我個人鍾意蜜糖牛油味多啲炸醬麵佢係醬同麵分開盒, 但好足份量而且用粗麵牛肉慈愛卷到底呢個牛肉有幾慈愛呢？我地食完都係唔明, 不過都幾好食, 清哂😛韓式炒粉絲唔會炒得好乾身, 但又唔會太過濕辣炒年糕佢都幾正宗, 有齊哂魚糕串足料!!

星期六晚上嘅咖啡韓食比平日嘅晚市時間更多人，員工顯得相當忙碌，我地揮手揚聲幾次都未有人得閒幫我地落單。不過韓國人老闆見到員工做得唔好個陣都會向我地道歉，有啲窩心。首先上左紫菜飯捲。都明白餐廳人手唔夠，忙中有錯，本來係叫左芝士紫菜飯捲，最後上左傳統紫菜飯捲，所以有少少失望。飯捲份量足夠，黃蘿蔔好好味，不過有一兩件飯捲比較易散開。牛肋骨湯飯嘅牛肉肉質好好，不過今日湯比較淡，撈飯個陣都係冇咩味。蜜糖芥末炸雞半份當小食剛剛好，醬汁十分惹味。雖然同行友人食左雞胸覺得麻麻，我食到雞翼又覺得唔錯。泡菜餅嘅份量好似比以前大份，裡面嘅泡菜好爽口好食，不過今日似乎比較多粉，食完覺得好飽肚。飲品叫左藍色檸檬梳打 同 蘋果柚子梳打。兩杯都幾甜吓，藍色檸檬梳打比較似平時外面嘅梳打飲品，蘋果柚子梳打嘅蘋果味好特別。今日嘅水準比以前差咗啲，但都明白假日晚市比較多人所以難兼顧。希望佢地之後有多返啲人手，令到水準可以去返之前咁啦。