雲貴川食府 (已結業)

在第一城中心，三十五座对面... 新开了两所食肆，分别是面轩和云贵川食府。面轩为台式连锁店，而本人则对云贵川稍为有兴趣。两个人，今天试了一碗过桥米线 (2人份量) 和小食 -- 皮蛋拌豆腐。皮蛋拌豆腐系辣的，辣得黎带麻果种。佢唔会「拿喉」，麻辣味都算几香。至于过桥米线... 都几大碗。要清汤，即使有数旧肥肥的腩肉，但个汤底依然好清甜。佢每样配料都有少少，但觉得佢青菜太多，酸菜太少。而佢既米线属较硬身的一种。因为佢够大碗，所以食到好饱。除了米线和小食外，佢亦都有碟头饭和饺子。不过，可能因为新开，我地下午二时左右去到... 所有饺子均已 sold out。见有几枱客叫炸馒头，不过都炸得几㶶，个 look 好似茶叶蛋咁... 埋单每人 $32.5 。呢间食店质数都唔错，可说是附近居民的新选择。