影片
更多
2012-06-22
13 浏览
今次系我第一次团购优惠coupon, 要好好的记录一下!昨晚系大家姐生日, 我地一行7大1小决定试试这新开的放题! 首先, 订座电话很难打, 我打左成十次先打通, 可能系刚出团购关系, 好多人book位挂, 幸好也book倒位, 如果唔系我都唔知点处理d团购coupon. 餐厅地点也不算很难找, 地铁站一出, 就见倒了, 于通利楼上, 餐厅的外墙也有招牌, 只是找不到从何处上3楼, 要用心才见倒大厦的入口, 由于电梯太细, 我同部份人只好行旁边既楼梯上3楼, 我谂:"消耗多左, 一阵食多两旧补返数" 既心态, 快速地行左呢3层楼梯!一上到去, 已经有好香既烧牛肉味, 我地一坐低立刻点野食, 事关我同细佬系牛魔王, 全部牛肉既款式, 我地点晒 当然都有点其他食物, 豚肉 羊肉 虾 寿司 刺身 沙律...........都唔记得点左几多, 只知道食物好快就放到全桌面都系 讲下d食物质素先:牛肉: 款式有大约十款, 本人最like就系牛粒同牛仔骨, 牛肉味浓羊肉: d羊肉同羊扒都好膻, 我本身唔食羊的, 所以无评价, 但家姐同呀妈就好钟意食! 而家谂起果阵膻味, 都有点反胃豚肉: 我
昨晚系大家姐生日, 我地一行7大1小决定试试这新开的放题! 首先, 订座电话很难打, 我打左成十次先打通, 可能系刚出团购关系, 好多人book位挂, 幸好也book倒位, 如果唔系我都唔知点处理d团购coupon.
餐厅地点也不算很难找, 地铁站一出, 就见倒了, 于通利楼上, 餐厅的外墙也有招牌, 只是找不到从何处上3楼, 要用心才见倒大厦的入口, 由于电梯太细, 我同部份人只好行旁边既楼梯上3楼, 我谂:"消耗多左, 一阵食多两旧补返数" 既心态, 快速地行左呢3层楼梯!
一上到去, 已经有好香既烧牛肉味, 我地一坐低立刻点野食, 事关我同细佬系牛魔王, 全部牛肉既款式, 我地点晒
当然都有点其他食物, 豚肉 羊肉 虾 寿司 刺身 沙律...........都唔记得点左几多, 只知道食物好快就放到全桌面都系
讲下d食物质素先:
牛肉: 款式有大约十款, 本人最like就系牛粒同牛仔骨, 牛肉味浓
羊肉: d羊肉同羊扒都好膻, 我本身唔食羊的, 所以无评价, 但家姐同呀妈就好钟意食! 而家谂起果阵膻味, 都有点反胃
豚肉: 我本身就麻麻豚肉的, 但有几款腌得很特别, 所以都食左几件
虾: 本身每位送的7吋虎虾当然要赞!! 真系好大只!! 但比起餐纸上点的, 真的比下去, 餐纸上的是普通size, 但好彩都够新鲜, 最后都食埋
寿司: 寿司饭很软很新鲜, 姪仔食左好多蛋寿司, 还有一款叫手(枪)卷, 是一碗刺身寿司饭+ 紫菜分开 上比我地, 问店员点解叫做手(枪)卷, 佢笑笑口话即系叫我地自己整黎食, 细佬即刻大笑!!!!!!!经细佬解说先知大约意思系"那些年"打手枪既意思!!!大约解作"自己黎"!!!呢个名真系非常创新!!
刺身: 三文鱼/带子刺身十分肥美. 其实款式我就印象中就ok
沙律: 沙律一定要推介, 用上西餐的沙律菜, 加上酸酸甜甜既沙律汁, 十分开胃, 食完又有胃口可以食多两件牛肉
最后每位送赠一柸 haagen 雪榚作总结, 真系食到好饱!!
# 牛肉类恕我食得太心急, 唔记得影相
总结:
团购价当然好抵食, 但细佬话正价佢都会再黎, 因为理论上食正价大约$200食都一定无蚀
食物质数好, 卖相靓
新店装修, 地方企理, 坐得几舒服, 门口位于有个达磨像, 比食客祈福, 够特别
人手唔够, 叫几次先黎加倒水
题外话/补充资料：
题外话: 原来打一篇食评要好多时间同心机, 真系好多谢其他食家一直而黎既留言, 我都会努力多多留食评比大家参考的!!!
(以上食记乃用户个人意见 , 并不代表OpenRice之观点。)
张贴
