影片
更多
2012-07-17
87 浏览
16th July, 2012今日接女朋友放工后揾晚餐食, 铜锣湾果边又贵, 于是穿过鹅颈桥街市, 行行下见到依间晚餐价钱ok ($40~$50 一个set dinner), 而且果阵大约7点, 晚饭时间既开始都有好多位唔洗等, 于是入去试下入黎果阵见到有人食墨鱼汁意粉, 于是玩玩下叫一个黎试下于是就叫左 *扒带子墨汁意粉 $47 +$5 变set dinner (红/白汤) + 蒜蓉包, +$5 试布丁红豆冰女友叫 *黑椒牛肩肉, 鸭胸肉焗饭 $47 + $5 变set dinner, +$8 饮个cream 红豆冰(野饮(热)叫饭果阵一定奉送埋, +$2 冻饮)*total 埋单$117 (不需加一服务费)上餐时间都好快, 先黎汤同蒜蓉包*红汤: 好浓, 居然饮到有肉味*o*, 真足料*白汤: 都好浓, 微微地黄色, 都饮到有肉味, 入面仲好足cream soup 料, 正*蒜蓉包: 蒜蓉味岩岩好唔会食到口臭既地步, 个法包都脆, 中间软, 唔会界到口之后就黎野饮, 个杯既样冇想像中d快餐店既红豆冰咁, 有高脚杯装住, 只系佢地店既胶杯, 但我都唔太介意*布丁红豆冰(下方): 相
今日接女朋友放工后揾晚餐食, 铜锣湾果边又贵, 于是穿过鹅颈桥街市, 行行下见到依间晚餐价钱ok ($40~$50 一个set dinner), 而且果阵大约7点, 晚饭时间既开始都有好多位唔洗等, 于是入去试下
入黎果阵见到有人食墨鱼汁意粉, 于是玩玩下叫一个黎试下
于是就叫左 *扒带子墨汁意粉 $47 +$5 变set dinner (红/白汤) + 蒜蓉包, +$5 试布丁红豆冰
女友叫 *黑椒牛肩肉, 鸭胸肉焗饭 $47 + $5 变set dinner, +$8 饮个cream 红豆冰
(野饮(热)叫饭果阵一定奉送埋, +$2 冻饮)
*total 埋单$117 (不需加一服务费)
上餐时间都好快, 先黎汤同蒜蓉包*红汤: 好浓, 居然饮到有肉味*o*, 真足料
*白汤: 都好浓, 微微地黄色, 都饮到有肉味, 入面仲好足cream soup 料, 正
*蒜蓉包: 蒜蓉味岩岩好唔会食到口臭既地步, 个法包都脆, 中间软, 唔会界到口
之后就黎野饮, 个杯既样冇想像中d快餐店既红豆冰咁, 有高脚杯装住, 只系佢地店既胶杯, 但我都唔太介意*布丁红豆冰(下方): 相入面系捞完后既样, 唔捞会冇红豆冰味, d布丁几得意开头以为系豆腐黎, 味道ok, 冇咩特别
*cream 红豆冰(上方): 一样相入面系捞完后既样, 原来系有好多cream 系上面, 味道都ok 好浓cream味变左唔系红豆冰咁
我既主菜黎啦, 真系劲黑妈妈, 香味冇咩, 哄到埋去都唔太多香味, 特别注意系食完个嘴呈黑色, 用好多纸巾都仲未干净*扒带子墨汁意粉: 劲多墨汁, 一拎起d面系黑到发光, 食落去d面有轻微既蒜, 香草味好好食, 个人钟意幽香既食物所以好钟意, 带子就得两旧, 味道唔错但咬落去唔够有咬劲, 份量都算多, 唔系太肚饿食完都应该饱
女朋友叫既黑椒牛肩肉, 鸭胸肉焗饭, 劲大兜, 开头睇餐牌都觉得得意通常焗饭都一种肉做主要材料, 但依间就好特别通常2种肉夹埋一齐, 望到都觉得一定好饱*黑椒牛肩肉鸭胸肉焗饭: 因为试鸭胸肉先, 好好食, 加埋上面既芝士好夹, 肉质好软好香, 但外表有d似红肠 牛肩肉都算软, 我食果块咬果阵要咬几次先咬断, 但未算老既地步可以接受, 味就都唔错, 饭就有d干可能唔太够汁
食完都几满足
*要注意既系, 要拎张单行出cashier 埋单, 依间野系唔洗加一的
题外话/补充资料：
系出面睇装修几靓, 入面环境都好舒适坐得好舒服, 但d 店员感觉上好茶餐厅? 或者可能系主观感受, 但整体黎讲服务系算好
*题外话睇晚餐仲见到所有焗饭都有芝士, 敏感既人就小心
d焗饭通常都有两种肉, 所以男仔食实够饱, 唔够饱+$5 转set dinner 多个汤同蒜蓉包都应该够
抵食度比5分因为晚餐黎讲咁既质素系铜锣湾or 湾仔附近算抵食
(以上食记乃用户个人意见 , 并不代表OpenRice之观点。)
张贴
