潮膳 (已結業)

平时食开西餐同日本野，但系食得多都会厌，系想试平时自己未食过的念头下黎到一间潮州野的门口，心谂自己平时经过潮州食店多，不过成日先入为主，以为比较污槽同坐得唔舒服，所以咁耐以黎都未食过。不过今次呢间因为系新开无耐的缘故，所以最少无上述的缺点先。入到去虽然时间尚早，但系已经坐左唔少人。见到唔少人都系叫二人餐为主，所以我地都跟风。主要系一个卤水拼盘加两个小菜再加一碟菜同两客细的甜品。因为我地系三人行所以再叫多个小食。因为计落条数二人餐比散叫小菜平唔少。先上卤水拼盘。我以为系冷盘黎，不过都暖暖地。唔似我平时见开果款拼盘，有鹅掌、鹅翼、鹅颈、五花腩、大豆芽、同一款类似卤水贡丸的野食（小弟见识少唔好见怪）。份量好足，就咁原味卤水汁送饭都得，点下蒜蓉醋都醒胃醒神。之后上两个小菜，蚝仔烙同冰梅脆香骨。蚝仔烙同出面食开的蚝仔饼唔同的地方在于，用的蚝仔大好多，蚝占成碟最少都有三分一。另一个脆香骨同之前两样比望落份量少的，不过系即炒所以够哂热同香口。初头食落带好甜的梅汁，食到咁上下d辣味都出埋黎，辣度适中。菜就叫左生菜，跟一两旧鱼干，不过不失。甜品系绿豆爽同水晶粿。绿豆爽唔算好杰，不过可惜味道偏甜。水晶粿外