西川風味餐廳 (已結業)

本身约左朋友系荃湾食一品鸡煲, 但因为朋友病左, 食唔到， 我立即约左男友系屯门食西川。 几年前都食过其它分店, 印象唔错 但屯门呢间就未食过西川有分任食 (139-169蚊一位)同散叫两种, 今次我地想食质素好啲既野, 所以叫左散叫。 横掂我地又细食, 不如食啲好啲既果日星期6, 我地唔想等位, 所以6点3就到左, 得3至4张枱有客, 正合我意! 但好可惜, 虽然好少客, 但老板娘好似食左火药咁, 不停大声话啲员工, 对客人又无礼貌! 成晚都比佢嘈住晒, 影响晒心情, 隔离枱都顶个老板娘唔顺, 直接问佢 “做咩咁燥, 宜家咁早, 又唔系多客”。之后老板娘好左少少, 但都系好嘈好恶, 反而佢啲员工态度ok我地叫左鲍鱼鸡煲半只, 小辣。 入面有4只饱鱼, 好爽口, 好味, 不过记得初头就要食,唔好放到后尾!之后仲叫左手打墨鱼丸, 手打鲮鱼球, 本地手切牛肩脊, 响铃!墨鱼丸同手切牛都好好味, 鲮鱼球同响铃就可以唔叫。