影片
更多
2023-12-08
606 浏览
话说3点半又未去到食晚餐就谂住揾个地方坐坐食返件话晒好出名嘅菠萝油港式餐厅侍应态度出晒名都意料中事同场有两张枱，我地两个人一个身形比较肥嘅，就问可唔可以同两个坐紧嘅人搭枱坐出面嘅圆櫈纹眉瘦削女侍应就同我地讲出面系坐3，4人叫我地坐逼过罐头嘅卡座同两个口水多过浪花，食剩一啖菠萝包都继续死霸喷口水嘅叔叔搭枱但两分钟都冇，女侍应又比左话要3，4人先可以坐嘅张枱过我地后面入黎嘅一对情侣即系点先？弹出弹入嘅？又话3，4人先可以坐嘅？我地本地客就好虾啲？人地要menu先落单似旅客就好服侍啲？最后我地系叫左两个菠萝油两杯奶茶10分钟内食完，因为唔想个包比口水污染，堂食下午茶惨过街边企响度食快餐讲返食物： 菠萝油块油OK，但个包真系唔得松软嘅但唔热，系完全唔热呀！得个暖字，做唔到冰火效果，块皮仲要系硬到𠝹嘴嘅，我系成块皮起左佢唔食算奶茶唔滑，同行人士直程话系鞋口嘅真心讲，呢个招牌combo浪费咗我嘅进食quota，唔识欣赏，系第一次亦系最后一次
港式餐厅侍应态度出晒名都意料中事
同场有两张枱，我地两个人一个身形比较肥嘅，就问可唔可以同两个坐紧嘅人搭枱坐出面嘅圆櫈
纹眉瘦削女侍应就同我地讲出面系坐3，4人
叫我地坐逼过罐头嘅卡座同两个口水多过浪花，食剩一啖菠萝包都继续死霸喷口水嘅叔叔搭枱
但两分钟都冇，女侍应又比左话要3，4人先可以坐嘅张枱过我地后面入黎嘅一对情侣
即系点先？弹出弹入嘅？又话3，4人先可以坐嘅？我地本地客就好虾啲？人地要menu先落单似旅客就好服侍啲？
最后我地系叫左两个菠萝油两杯奶茶
10分钟内食完，因为唔想个包比口水污染，堂食下午茶惨过街边企响度食快餐
讲返食物：
菠萝油块油OK，但个包真系唔得
松软嘅但唔热，系完全唔热呀！得个暖字，做唔到冰火效果，块皮仲要系硬到𠝹嘴嘅，我系成块皮起左佢唔食算
奶茶唔滑，同行人士直程话系鞋口嘅
真心讲，呢个招牌combo浪费咗我嘅进食quota，唔识欣赏，系第一次亦系最后一次
菠萝油
$13
30 浏览
0 赞好
0 留言
张贴
