德島

营业中

休息中

好耐冇系呢度写过野。今日偶然经过天后，远望对面一间新开茶餐廰，吸引去睇吓餐牌，原来主打奶茶。睇咗一阵，唔知系老板抑或伙记走嚟礼貌招呼，就入咗去坐低，餐牌唔多嘢，点知有煎蛋免牛饭（原名唔知叫煎蛋西班牙……唔记得乜）加奶茶，煎蛋免牛嘅煎蛋半熟，有蛋汁同少少浓边，系香港已经好难揾到呢啲煎蛋，一系好熟一系好生，呢个蛋嘅蛋汁同免牛汁加埋，就系呢个饭精髓，好食，唔同外面快餐店嘅嘢。杯奶茶就要赞一赞，我个人觉得茶胆唔够中环兰乜园咁香（兰乜园啲嘢食已经退步到唔去）但系德岛呢一杯奶茶系我好耐冇饮过嘅好奶茶，佢嘅茶同奶份量恰到，重点佢个杯系热嘅，好少茶记做到咁，饮到最后茶都热，值得一赞。另外叫咗一个特餐炒蛋猪排米加柠蜜，原本有多士，我哋想试吓波萝油，伙记介绍加十元可改，咁又有另一个惊喜，个波萝皮好正，牛油系雪过，好食。特餐嘅炒蛋都好热但系又滑，猪排都做得好好，两个餐几十元餐唔贵，临走同佢收银讲嘢好食会再嚟。