119韓國站 (已結業)

早前朋友食过话几好，咁我又去试下。去到攞飞等，其实前面只有1-2张枱就应该到我。期间不停安排3-4人入，但2人就无得入，亦有其他人反映过问题，当然都话未有枱咁唯有等下。等左半个钟终于下张到我，点知突然间有职员嘅2个朋友黎左，却比佢跳过左7张枱比佢打尖入左去。然后又有啲过左嘅人比佢入，结果等左差不多8个字。入到去比装修吸引到，系好有特色。嗌左铁铲芝士排骨，味道的确唔错，除左有香浓芝士味之外，排骨本身有味道有酱汁亦好林。另外嗌左个拌饭，不过不失。仲有嗌左2杯cider rita同一个锅。价钱唔贵大约350，我唔期望所有食肆或店舖嘅服务态度都要好好，因为我明白比咩价钱就应该有啲咩，但我完全无谂过服务态度会咁差，甚至有一个女仔同佢讲完野之后佢用一个好不屑嘅眼神回望我，讲真我谂我今次系第一次去亦系最后一次。