喜鍋 海鮮.點心.活刺身 蒸氣石鍋專門店 (已結業)

今日同班朋友仔第一次去食蒸气火锅！去左沙咀，叫喜锅！正到爆丫！！先讲个环境，好靓嘅中式设计，地方都算阔落，服务都好好，店员安排好坐住，就会问我地饮乜茶，又介绍食物等！我地四个人嗌左好多野食！全部都劲正！新年当豪一次啦！！不过真系物超所值！先嚟花竹虾，我地去左睇住牠们游嚟游去，劲新鲜，劲大只，肉好弹牙，有牙膏，好食！仲有象拔蚌，好细心，会切一条条好方便食，连埋粉丝，入晒味，好新鲜！日本北寄贝又系好正！好大住，蒸得岩岩好，因为全部都即蒸，全部服务员帮我地放，同蒸，所以时间蒸得岩岩好，正！！另一至爱系美国大石蚝，我第一次食呢款蚝，好大只，好重蚝味，仲有海水咸味，就咁食岩岩好，好肥美！话明豪食，紧系仲有蟹，同老虎班！！蟹膏满满！肉好实！老虎班好滑，皮好厚，好多骨胶元丫，哈哈，可想而知条鱼一实好大条！除左海鲜，我地仲嗌左和牛片，花纹劲靓，仲会问我地想食几成熟，帮我地整，真系正到流，入口即溶，又好重牛味，原来蒸和牛系咁好味，一定要嗌！另外仲嗌左虫草花蒸新鲜鸡，手剥惠洲梅菜猪肉丸，鸡真系新鲜鸡嚟，食得好，好香，猪肉丸都好弹牙，入面嘅梅菜增加左咬口，不错！食咁多肉都嗌左个菜，不过不失，好大碟，但太饱，