天機棧扒房 (已搬遷) 新店位置

第一次同朋友去呢间野食，一行到入去，觉得呢间野有D情侣FEEL，有D尴尬，因为个场好暗，D台剩系放左一盏细灯咁，不过算唔理，黎到都系食野姐。坐埋位叫左个餐，有西兰牛扒、忌廉汤、沙律、甜品(我拣左焦糖炖蛋)，仲有杯野饮，都只系128，其实都算抵食。个餐有顺序黎：沙律-->汤-->主菜-->甜品。呢个烟鸭胸沙律其实都唔错，不过同普通沙律冇咩分别。而个汤其实有埋蒜蓉包送，同一般餐厅一样。个西兰牛扒好食在佢整得好好，唔硬又唔太软，7-8成熟到，加埋个汁PERFECT，系我最欣赏既!而个甜品方面，其实我觉得冇左焦糖会更好HAHA。值得一提既系，我朋友叫左个心太软，其实好食过炖蛋好多，个流心好正!最后埋单加一都正常的，而且唔太贵。