帝玉庭 (已搬遷) 新店位置

星期六晚齐人，我地去左沙田既帝玉庭聚餐。首先每人叫左碗人参鸡汤，好香人参味，而且汤好热烫口，我地闻到d味已经忍唔住大淡大淡咁饮，d鸡肉又浸满人参味，好快就KO左d汤喇，即时成身都感到好暖。蟹粉扒豆腐蟹粉和豆腐味同样香甜，豆腐又软又滑，被切成一口一粒，佢淡淡既味道又唔会盖过蟹粉既味道，反而更可以突出蟹粉既鲜味，连埋d饭一齐食就岩岩好。如果有多d蟹粉就更加好喇。似水牛莲被枱上既传单吸引，我地见到有一道菜叫「似水牛莲」，系一道拎左美食之最大赏既食物，我地都好奇想试下，反正价钱唔系好贵，$280就够我地4个人食喇，既然一家人食梗系要食d好野既。上菜既时候，佢既卖相好精致，好似一架船咁，仲有脆盏同南瓜伴碟，好靓。d牛肉煎到好香，入面有d香菇，好有嚼劲。上面淋上d汁有少少辣味，食落去好juicy，d味食完好耐都仲留系口入面，果然系得奖作品~食物环境卫生都一流，一家人食饭最紧要系开开心心咁食一餐，我谂我以后都会多d黎，试下其他既特色小菜。