文華扒房及酒吧

营业中

休息中

睇到OpenRice介绍，所以book咗呢度同男朋友庆祝生日。环境好grand 好静，好舒服。服务态度更加唔洗讲有几好。呢度嘅每一碟菜，包括甜品，都好精致，系可以攞嚟欣赏嘅艺术品。就连佢嘅餐包都做得好仔细，净系讲呢个餐包上面嘅盐，就系一啲好薄嘅晶体，配埋牛油，佢嘅咸香就有两种层次。哩碟三文鱼沙律一上，仲以为主菜到。净系个头盘就已经被惊艳到。我嘅主菜叫咗鱼（冇影餐牌所以唔记得咗佢叫咩名）。鱼唔腥，肉够林但唔散，加埋舖系面脆卜卜嘅炸蒜，令食落去嘅口感更加丰富，如果配埋腌红菜头，又会有另一种好清新嘅感觉。男朋友就叫左碟羊，好林又唔会觉得膻，上面配左啲芝士。但系中间个薯饼就一般般。中意酒嘅人可以试下哩个甜品，佢嘅蛋糕吸满晒冧酒，咬落去啲冧酒出晒黎，都好重酒味，配上橙汁又有种好清甜嘅感觉。另一款甜品卖相都系好吸引，中间有苹果肉，加订脆饼，好啱小朋友食。