影片
更多
2014-02-24
3574 浏览
之前帮衬任食自助BBQ, 必选大榄海员学校果边嘅大榄涌/海天一色, 今次有人提议嚟富泰呢边试下.一行六大两细, 一时左右到达. 小朋友一见到个游乐埸已两眼发光, 咁我哋就拣咗个近游乐埸嘅位置, 可以方便睇到小朋友.是日系星期六, 大人$100.00一位, 小童 (0.9-1.3米)/长者$70.00, 另加三十蚊开炉费. 包一支水及罐装饮品一罐.食物种类都算多, 但唔算特别, 都系香肠/红肠/芝士肠/丸类/虾卷/烧卖/多春鱼/鸡翼/猪扒/牛扒/叉烧/鱿鱼/肾/方包/蕃薯/茄子/粟米/翠玉瓜...... 先讲唔错嘅食物啦--鱼蛋--爽口弹牙, 唔会一烧发胀成乒乓球, 只是微胀.鸡翼--虽然望落似好辣, 因为颜色似咖哩, 但原来唔辣又几好味.肾--切得够大块, 我哋自备锡纸包好嚟烧. 够juicy 好味!鱿鱼--几厚身. 但都几辣, 肆辣嘅朋友必选.蕃薯--由于我哋自备锡纸, 可以自己包, 唔使帮衬佢买已包好嘅. 烩好嘅蕃薯真系好正, 又绵又甜. 唔多掂嘅食物--红肠--咬落好林, 唔好食叉烧--超甜, 都唔知佢揾咩去腌嘅. 似系食肠粉果啲甜酱味, 难食.猪扒--超级大块, 都唔知点"
一行六大两细, 一时左右到达. 小朋友一见到个游乐埸已两眼发光, 咁我哋就拣咗个近游乐埸嘅位置, 可以方便睇到小朋友.
是日系星期六, 大人$100.00一位, 小童 (0.9-1.3米)/长者$70.00, 另加三十蚊开炉费. 包一支水及罐装饮品一罐.食物种类都算多, 但唔算特别, 都系香肠/红肠/芝士肠/丸类/虾卷/烧卖/多春鱼/鸡翼/猪扒/牛扒/叉烧/鱿鱼/肾/方包/蕃薯/茄子/粟米/翠玉瓜......
先讲唔错嘅食物啦--鱼蛋--爽口弹牙, 唔会一烧发胀成乒乓球, 只是微胀.
鸡翼--虽然望落似好辣, 因为颜色似咖哩, 但原来唔辣又几好味.
肾--切得够大块, 我哋自备锡纸包好嚟烧. 够juicy 好味!
鱿鱼--几厚身. 但都几辣, 肆辣嘅朋友必选.
蕃薯--由于我哋自备锡纸, 可以自己包, 唔使帮衬佢买已包好嘅. 烩好嘅蕃薯真系好正, 又绵又甜.
唔多掂嘅食物--
红肠--咬落好林, 唔好食
叉烧--超甜, 都唔知佢揾咩去腌嘅. 似系食肠粉果啲甜酱味, 难食.
猪扒--超级大块, 都唔知点"吉", 整多两整仲烂开添, 谷鬼气攞锡纸包好佢嚟烧. 建议佢一开二会较好. 味道都ok嘅.
牛扒--有膻味
其他食物就不过不失啦!
相信最开心嘅系小朋友, 由一点钟跑跑走走到八点钟, 又有专人(我哋大人)烧好嘢比佢哋食.
服务方面-- 攞用具果个职员都有啲表情. 但埋到counter攞嘢食/饮品, 想要咩职员负责夹比你. 呢个无笑容又未至于黑面, 似个机械人.
地方尚算干净, 厕所卫生都ok.
张贴
