影片
更多
2015-07-25
590 浏览
早两个星期已经听过呢间小店既芝士热狗相当出色~可惜一直都冇机会体验~唔系未开门就系已经卖晒...幸好今日喺上水出没,心中一早决定一定要试~!!去到门口乜都未睇,只系望望个餐牌,男老板就话未有热狗卖,要6点..!!噢~...不会吧~当时只系3点多DD...!(原来门口己贴左告示,只系我冇望到)未黎得切比反应,老板就补上一句话: 今日黎D货唔得,所以即时退返,再来货最早要6点,讲解左一阵, 我仍未黎得切比反应,老板就再加多句,我睇下够唔够料整一只比你~噢~~~未黎得切比感动反应,佢就话千其唔好话比人知...喺呢个时..我问佢可唔可以整到两只..!佢话勉强都可以~哗~~好开心既呢~!!感觉就好似叫醒一个困紧觉既人起身煮野比我食咁....幸福! 由于乜炉都未开,所以随后我就只好耐心等待...期间仲点左个曲奇雪糕食住等...原本系谂住食榴梿味的~可惜冇货.所以点左个曲奇味~等左一阵~~期待已久既超级芝士热狗终于出世~老板知道我拎走要行好耐先食,仲好细心咁喺个胶盒到开左个气孔~等只狗唔好咁快淋晒~ 太感动!!超级芝士热狗 - 老板拎出黎比我睇~(其实系问我要唔要胶袋...)就见到由两款芝士混埋而成
唔系未开门就系已经卖晒...幸好今日喺上水出没,心中一早决定一定要试~!!
去到门口乜都未睇,只系望望个餐牌,男老板就话未有热狗卖,要6点..!!噢~...不会吧~当时只系3点多DD...!(原来门口己贴左告示,只系我冇望到)未黎得切比反应,老板就补上一句话: 今日黎D货唔得,所以即时退返,再来货最早要6点,讲解左一阵, 我仍未黎得切比反应,老板就再加多句,我睇下够唔够料整一只比你~噢~~~未黎得切比感动反应,佢就话千其唔好话比人知...喺呢个时..我问佢可唔可以整到两只..!佢话勉强都可以~哗~~好开心既呢~!!感觉就好似叫醒一个困紧觉既人起身煮野比我食咁....幸福! 由于乜炉都未开,所以随后我就只好耐心等待...期间仲点左个曲奇雪糕食住等...原本系谂住食榴梿味的~可惜冇货.所以点左个曲奇味~
等左一阵~~期待已久既超级芝士热狗终于出世~老板知道我拎走要行好耐先食,仲好细心咁喺个胶盒到开左个气孔~等只狗唔好咁快淋晒~ 太感动!!
超级芝士热狗 - 老板拎出黎比我睇~(其实系问我要唔要胶袋...)就见到由两款芝士混埋而成的芝士浆厚厚咁舖上条粗LOOK的脆皮猪肉肠上~基本上系睇唔到有条肠~未冚盖已经闻到阵阵香味~真系妙不可言~好想咬啖先...可惜要忍住~!
拎到返屋企已经系大半个钟头的事~未打开仍然闻到阵香味~打开后见到咁丰富既感觉真系忍唔住要切黎食~肠仔芝士同个饱三者配合得好平均~唔似坊间好多地方卖的热狗饱真系得个饱.条肠就细细..莫讲话调味浆..虽然冻左,仍食到好香浓的芝士味~对我呢个芝士怪黎讲真系大恩物~! 下次有机会..一定要现场食出那种拉丝的感觉~!!
曲奇雪糕 - 老板妹妹一拎出黎就系一个圆波波,喺个杯到碌黎碌去..好硬身~我地一边倾计都未开始食,到拎住战利品走既时候先记得要食雪糕~当时已经融得7788...我就好似当奶昔咁食,入口比我想像中重奶味,有少少意外相信唔系用OXXX 朱古力饼,而系曲奇妙脆那种~来货品冇咩要求~有机会再试下老板妹妹推介的柠檬汁~!
小店舖唔见有洗手间设备所以可以的话都系忍耐一下,揾另一个更好的解手吧~!
总括黎讲..简简单单价廉物美~~系个闲荡时充充电的好地方~
题外话/补充资料：
正当男老板喺厨房努力制作的时候,我就喺出面一边坐住一边同老板妹妹吹水~
由来货出左少意外讲到佢地开舖头的理念同方向~感觉到佢地一班后生仔好热血~
喺呢个地区开一个迷仔特色小店真系唔易~再讲先发觉原来佢地主打其实系雪糕同冻饮~小食只系其次~哈~~~
(以上食记乃用户个人意见 , 并不代表OpenRice之观点。)
张贴
