旅鍋火鍋私房菜專門店 (已結業)

今餐边炉真系好非一般呀。原来香港都会有旅游主题既火锅舖。黎到见到佢既装置都已经好得意，佢仲有特色唔同国家既主题房，如有： 日式，泰式，真系好得意。最衰我地人少，如果唔系下次可以试下主题房。佢地既汤底都有好多选择，我地简左双拼汤底： 日本樱花虾沙爹同芫茜皮蛋马蹄，好中和。而且沙爹汤唔会好咸，感觉冇咁热气, 同真系好多樱花虾，正。而火锅料都算几多，牛都有好多款。 我地叫左手切牛，牛颈脊，好新鲜，一啲都唔会硬。 有几样都好得意，鸡颈肉（颈肉牛，羊，鸡都有，就系冇猪😮）, 猪肋条，台湾水莲，大蟹柳，四宝丸，我觉得都系比较出色，而且可能真系够新鲜，渌落好快熟，又够稔。 佢唔会系好烂既稔，而系都带有口感既爽口。 成晚都见侍应不停出菜，我地又食得好热闹，劲尽兴。