京滬佳餚 (The LOHAS康城) (已結業)

一直以嚟将军澳日出康城，除咗楼盘就系楼盘，我哋亦无朋友仔住喺𠮶头，所以一直以嚟都无去日出康城嘅冲动，直到佢嘅商场落成开幕，终于吸引到A姐嘅垂青。今日我哋就去到The LOHAS行新商场，至于晚餐就选择咗主打京沪菜嘅京沪佳肴。京沪酥香烤鸭北京菜又点少得片皮鸭呢？呢度嘅片皮鸭系必食推介！份量超多，仲有埋只鸭髀仔，价钱唔贵又好好味。鸭皮烧得均匀又香脆，脂肪部份唔多，食起上嚟唔会油淋淋；至于鸭肉嫩滑，肉味非常香浓。食片皮鸭嘅配料有六款：糖、甜酱、京葱、青瓜、萝卜同蒜蓉，配搭起上嚟好有层次。最后，饼皮薄得嚟又唔易烂，实在好考大厨功夫。招牌小笼包上海菜又点少得小笼包呢？呢度嘅小笼包系必食推介！皮薄馅多，仲要充满浓郁嘅肉汁，好满足。京沪香葱煎饼香葱煎饼嘅皮好香脆，但重点系爆多葱，而且葱香十足，啖啖都系浓香嘅葱油味，钟意食葱嘅你真系必点。外婆红烧肉讲到上海菜，又点少得红烧肉呢？一层肥一层瘦，成旧摆晒落口就最满足。欣赏佢唔会太油腻，脂肪部份成啫喱状，唔会太有罪恶感。干煸四季豆四季豆炒得好有镬气，肉碎份量多，咸香十足，加埋个白饭就最match啦。京沪担担面呢度嘅担担面唔系川菜，所以唔会有麻辣嘅感觉，反而能