皇后餃子

营业中

休息中

个仔系附近学嘢，耐唔耐都会去食嘢。食物质素系可接受，但一路以嚟楼面啲阿姐态度都已经系麻麻。㖊日星期六大约12:55分入去，入面唔系枱多，十张左右，坐满8成左右，门口三四个人等紧外卖。但中午繁忙时间，楼面竟然可以只系得一个阿姐系度，落单、上菜、执枱、埋单、执外卖，全部都系一个做哂。当时叫阿姐落单差唔多十分钟，都唔肯埋嚟落，净系处理啲外卖单，楼面啲嘢几乎唔理，而且系全程极度黑面。眼见等咗咁耐都仲未有人嚟落单，其他枱啲食物煮好摆哂系度冇人拎俾啲客，阿姐净系识闹㕑房啲人搅错嘢，又见其他有一两张枱啲人都等落单等得唔耐烦走人，心谂就算落到单都唔知又要等几耐先有嘢食，加上见阿姐超级面黑，于是做咗人生第一次嘢都未食，就决定斩榄即走，并且black list埋佢，应该都唔会有再帮衬佢嘅机会。