紅粉佳人 (已結業)

食过Pink Salmon好多次，写食评还是第一次呢！今次因为有openrice嘅coupon，所以我哋有免费三文鱼刺身食哦一直觉得pink salmon系一间平靓正之选，有水准，价钱又合理，所以就算地点唔就脚都会定期嚟食dinner!set-dinner经常都转款，不过我发现牛仔骨同德国猪手就长期都稳拈一席位，今晚竟然见到猪仔脾喺set-dinner出现，好耐无见喇㖞，就拣了猪仔脾同牛仔骨，记忆中之前食过一次牛仔骨觉得麻麻哋，今次再叫睇吓点先，味道其实系OK的，不过好似好多肥肉咁，相比之下，我都系钟意猪仔脾、鸡扒同埋鱼多D！甜品试了apple crumble with ice-cream，味道其实几好，又唔会太饱肚，不过同我想像中的卖相有Ｄ唔同 另外要了blueberry cheese cake，呢个之前食过架喇，不过佢D cheese cake真系整得唔错，虽然食完主菜已经好饱，但系估计个胃都仲摆得落件chees cake(因为size唔系好大)，有位唔好徙嘛！最后以一杯咖啡为呢个晚餐划上完美嘅句号！