影片
更多
2018-03-02
186 浏览
因为上网睇到而专诚黎一尝土耳其菜，一早book好枱，老板亦好细心将地址send俾我哋，所以就好容易揾到间铺头。上到去之后一入门口已经有四只卡菲猫迎接我哋，不过佢哋全部都系笼里面，所以就算怕小动物嘅都唔惊佢哋会出嚟。一坐低已经有一个操流利广东话嘅土耳其女士介绍菜单。佢哋分别有几个唔同嘅价钱，每一个价钱都会准备几道菜式，250就有五道菜，300就有六道菜， 如此类推。。。 咁我哋就Order左＄300嘅六道菜，＋2杯野饮，佢另外仲会附送甜品。头盘有土耳其沙律味道带酸，感觉开胃！蕃茄亦好新鲜！第二道菜系土耳其烤鸡，烤鸡酱汁惹味，配埋乳酪酱汁味道的确几好，烤鸡下边仲有炒饭配搭。第三道菜系炸茄子薯仔，由于系炸所以茄子会吸油比较多，薯仔就炸得好脆。亦都有配埋土耳其乳酪酱汁。而喺烹调其余几道菜嘅同时， 我哋都order 左一杯原味嘅土耳其咖啡，佢另外再配土耳其糖一齐饮用，先饮一啖咖啡，然后再食咗粒糖，然后再成日粒糖，再饮一啖水。呢个系老板教嘅。佢亦都有讲过饮呢啲咖啡唔会惊瞓唔到。所以夜晚去都冇问题。老板问我想唔想试吓整土耳其咖啡，之后佢就叫左我去试吓整，呢个老细相当鬼马。所以我就可以一尝整土耳其咖啡
上到去之后一入门口已经有四只卡菲猫迎接我哋，不过佢哋全部都系笼里面，所以就算怕小动物嘅都唔惊佢哋会出嚟。
一坐低已经有一个操流利广东话嘅土耳其女士介绍菜单。佢哋分别有几个唔同嘅价钱，每一个价钱都会准备几道菜式，250就有五道菜，300就有六道菜， 如此类推。。。
咁我哋就Order左＄300嘅六道菜，＋2杯野饮，佢另外仲会附送甜品。
头盘有土耳其沙律
味道带酸，感觉开胃！蕃茄亦好新鲜！
第二道菜系土耳其烤鸡，烤鸡酱汁惹味，配埋乳酪酱汁味道的确几好，烤鸡下边仲有炒饭配搭。
第三道菜系炸茄子薯仔，由于系炸所以茄子会吸油比较多，薯仔就炸得好脆。亦都有配埋土耳其乳酪酱汁。
而喺烹调其余几道菜嘅同时， 我哋都order 左一杯原味嘅土耳其咖啡，佢另外再配土耳其糖一齐饮用，先饮一啖咖啡，然后再食咗粒糖，然后再成日粒糖，再饮一啖水。呢个系老板教嘅。佢亦都有讲过饮呢啲咖啡唔会惊瞓唔到。所以夜晚去都冇问题。
老板问我想唔想试吓整土耳其咖啡，之后佢就叫左我去试吓整，呢个老细相当鬼马。所以我就可以一尝整土耳其咖啡👏🏾👏🏾👏🏾
第四道菜系蜜桃配炸鱼柳。由于前后两款都系炸嘢，所以呢个鱼柳配埋蜜桃，冇滞嘅感觉之余仲觉得开胃。
到第五样，系烤羊卷。虽然望落好普通，但系唔系好食羊嘅我都觉得好好味，佢出面个皮唔太厚，但有口感。加上卷喺里面嘅羊好多汁，唔会好似觉得食咁少都干晒嘅柴咁，真系值得一试！
第六道菜系牛肉pizza
不得不说， 呢个牛肉Pizza真系做得好好，佢个皮唔厚，但薄得来拎上手系唔会烂，芝士好重料，仲陪埋个脆脆边，如果钟意食Pizza嘅朋友，不妨上嚟试一试！
最后当然到甜品！
甜品系土耳其特产嘅棉花糖，仲有两旧比较甜嘅甜品，我食唔到系乜嘢，佢一粒粒好似豆咁样，但系食完记得饮水，佢哋叫呢个做cartoon Candy hahaa..唔知系咪画个样上去就系cartoon 呢
留意，每一道菜都系一样一样咁上菜，如果赶时间嘅话可以叫老细快少少一次过都得，如果唔赶，其实一样一样咁样上都系一个唔错嘅选择，可以慢慢咁样享受呢一个有土耳其特色嘅晚上。
呢间铺头嘅老细真系好亲民，好funny😂😂
临走之前佢知我将会睇戏，佢仲拎咗个杯装左啲Candy入去俾我睇戏食，呢啲老细系边揾？😏😏😏😏
张贴
