金樂軒雞煲魚鍋

营业中

休息中

因为落雨冇去其他地方食鸡煲，就揾吓附近有冇啱食嘅，估唔到第一次被OpenRice食评呃咗黎呢间「正」嘢食！连餐厅最基本要将生嘅嘢整熟都唔得，真系太神奇！我嗌嘅大部份都系最受欢迎嘅嘢！你好评𠮶啲人你哋系咪冇味觉㗎？定系冇食过靓嘢？要多谢呢煲普通正常嘅鸡煲，令我其他嘢食可以熟。我哋嗌嘅系成只鸡，但系呢煲入面嘅鸡超肥同埋应该系比较细只嘅鸡。见唔见到入边有花菜，实际我哋嗌咗干锅花菜，但系花菜唔熟所以我哋摆左落去煮。呢锅系干锅生蚝，啲生蚝我都系摆咗落去鸡煲入边煮。我想俾你哋睇嘅系，连最基本嘅葱都整唔熟！生蚝我未摆鸡煲入边煮前，我咬咗一啖落去超级腥！一份得四定五粒，就咁浪费一粒。另外你哋嘅招牌炸肥肠，都系一样，点可以做到出边炸嘅但中间唔熟㗎？真系天才！咁嘅技术配埋咁嘅份量加埋个价钱，真系抵你哋系疫情期间到而家都可以挨到！呢个都系，你哋招牌嚟嘅。普普通通，味道淡淡嘅蔗水。唔该真系请啲识煮嘢嘅厨师啦，咁样呃人钱。返到屋企肠胃不适，呕咗。