影片
更多
2014-05-10
2218 浏览
相信好多帮衬过和民嘅人都有呢个感觉-等位等得耐之余，上菜又慢，又唔系咁食。不过，食完㖊晚(9/5/2014)餐和民就几满意，亦好满足。星期四果日上网见到荃湾和民做梗promotion-食几多钱就送番半额嘅coupons,所以就提议去食，顺便庆祝妈妈节。今次因为早去,所以等位嘅时间都唔系好耐，大约半个钟。今晚仲有得坐卡位，正！(系301-304先系两边嘅位都系卡位架咋！)点菜方面，因为太多选择，花多眼乱，又要考虑同枱各位的囗味，所以就叫咗而家做梗嘅Aeon餐(用Aeon 信用卡可以平几十蚊嘅套餐。)我𠮶晚申请咗，张卡嘅最大嘅好处系终身免年费，有得book位食和民，95折⋯⋯其他优惠各位就自己google吓。今次有二人餐同四人餐，分别系二百几蚊同五百几蚊。最后，拣咗二人餐同散叫几样。(食落发觉无拣错，因为偷听到坐后面枱果4个人都话：咁叫系抵食啲。各位有C9细胞嘅食家们都可以参考吓！)个二人餐有齐前菜，沙律，小食，饭。跟餐沙律虽然系得半份，够每人分到一小碗，对于我哋四个泥讲巳经好足够，因为我哋对沙律兴趣不大。（好怀念之前和民有个拉面沙律 )食物味道方面不太多讲，因为次次/间间和民煮出泥嘅都
相信好多帮衬过和民嘅人都有呢个感觉-等位等得耐之余，上菜又慢，又唔系咁食。不过，食完㖊晚(9/5/2014)餐和民就几满意，亦好满足。
星期四果日上网见到荃湾和民做梗promotion-食几多钱就送番半额嘅coupons,所以就提议去食，顺便庆祝妈妈节。
今次因为早去,所以等位嘅时间都唔系好耐，大约半个钟。今晚仲有得坐卡位，正！(系301-304先系两边嘅位都系卡位架咋！)
点菜方面，因为太多选择，花多眼乱，又要考虑同枱各位的囗味，所以就叫咗而家做梗嘅Aeon餐(用Aeon 信用卡可以平几十蚊嘅套餐。)我𠮶晚申请咗，张卡嘅最大嘅好处系终身免年费，有得book位食和民，95折⋯⋯其他优惠各位就自己google吓。
今次有二人餐同四人餐，分别系二百几蚊同五百几蚊。最后，拣咗二人餐同散叫几样。(食落发觉无拣错，因为偷听到坐后面枱果4个人都话：咁叫系抵食啲。各位有C9细胞嘅食家们都可以参考吓！)
个二人餐有齐前菜，沙律，小食，饭。
跟餐沙律虽然系得半份，够每人分到一小碗，对于我哋四个泥讲巳经好足够，因为我哋对沙律兴趣不大。（好怀念之前和民有个拉面沙律 )
食物味道方面不太多讲，因为次次/间间和民煮出泥嘅都系咁上下，连锁餐厅嘅食物跟公式煮𩠌是常识吧！
每次去和民必食嘅梗系和P（和风比蕯）同盐烧串烧盛合。我最欣赏嘅系和P你无论放喺枱面几耐都系keep到脆口。不过当然啦，上面啲料放得耐就会冻咗，影响口感。
今次个串烧盛合食上到枱就冻哂噜，大打折扣。
其次，炸鸡软骨又系必食嘅。食果时记住挤柠檬汁呀！
另外，今晚令本人有惊喜嘅系'东京月见豚肉饭'—骤眼睇啲肉好似吉野家𠮶个牛肉饭。食落囗好有亲切感-系梅菜肉片饭嘅味，无错系梅菜味！啲紫菜食落有梅菜味（同枱嘅四位都有此感觉！）。在下孤陋寡闻，唔知系放得太耐定系呢啲就系东京月见风味。想喺日本餐厅食到'梅菜猪肉'嘅各位不妨一试。
服务方面，附牛肉火锅上嘅两个汤匙及日本白蛋可以显示到餐厅对食客嘅果份细心。记得之前帮衬只系附上一只普通嘅匙。
至于饮品方面，二人餐有两杯跟餐饮料。杯青柑桔柚子蜜梳打系绝对冇叫错，不过杯梅酒梳打就太多冰，饮落似梅味水。
最后埋单送番$230现金券，可以喺1/7-15/8喺新嘅荃湾广场和民用。可以一次过用哂$230！
p.s. 今次有和民信用卡95折优惠
张贴
