居食屋「和民」 (已搬遷) 新店位置

荃灣廣場的和民居酒屋重新開業後的第一次晚餐，感覺挺新鮮。餐廳的面積比以前大了許多，格局布置得比以前更整齊，座位不會有過於擠逼的感覺。店員素質亦比以前有所提高，整體覺得不錯，環境舒服，食得舒服。前菜點左全份和民沙律，賣相同味道都十分美味，材料新鮮。而海老豚骨拉麵湯底濃厚，加了蝦醬令味道更加突出，帶出海鮮的味道，亦為拉麵作調味。雖然花了少少時間在等位上，但食物已值回票價。

相信好多幫襯過和民嘅人都有呢個感覺-等位等得耐之餘，上菜又慢，又唔係咁食。不過，食完噚晚(9/5/2014)餐和民就幾滿意，亦好滿足。星期四果日上網見到荃灣和民做梗promotion-食幾多錢就送番半額嘅coupons,所以就提議去食，順便慶祝媽媽節。今次因為早去,所以等位嘅時間都唔係好耐，大約半個鐘。今晚仲有得坐卡位，正！(係301-304先係兩邊嘅位都係卡位架咋！)點菜方面，因為太多選擇，花多眼亂，又要考慮同枱各位的囗味，所以就叫咗而家做梗嘅Aeon餐(用Aeon 信用卡可以平幾十蚊嘅套餐。)我嗰晚申請咗，張卡嘅最大嘅好處係終身免年費，有得book位食和民，95折⋯⋯其他優惠各位就自己google吓。今次有二人餐同四人餐，分別係二百幾蚊同五百幾蚊。最後，揀咗二人餐同散叫幾樣。(食落發覺無揀錯，因為偷聽到坐後面枱果4個人都話：咁叫係抵食啲。各位有C9細胞嘅食家們都可以參考吓！)個二人餐有齊前菜，沙律，小食，飯。跟餐沙律雖然係得半份，夠每人分到一小碗，對於我哋四個泥講巳經好足夠，因為我哋對沙律興趣不大。（好懷念之前和民有個拉麵沙律 )食物味道方面不太多講，因為次次/間間和民煮出泥嘅都

好耐冇去和民了,啱啱出黎做野同舊同學通常去嘅地方, 鍾意佢坐得舒服又可以坐得耐, 最啱吹水, 荃灣呢間都好耐冇吃快走, 叫左和民沙律, 魚生飯等等, 魚生都算新鮮, $88都合理, 沙律好遲先黎, 差唔多食完個飯先黎, 唔知係咪好耐冇黎, 賣相同我記憶中的不一樣, 麻麻地吸引, 好在材料都新鮮, 唯一唔鍾意嗰啲煮到淋哂嘅西蘭花, 太淋了! 食物總算不過不失, 但要留意下啲衛生, 檯上放俾客人用嘅紙巾發現有污漬, 雖然自己都有可以唔用佢嗰啲, 但見到都感覺唔好, 希望注意下!

呢日食lunch...朋友仔話想食和民~好啦,我都好耐無食,咁就去食啦...去到,岩岩開門,坐低簡野食,款還算多...陸續有人入來...但侍應都夠人,算快手~叫野食...叫左個石鍋泡菜飯set野飲同沙律上左先之後...個飯都上去調味其實ok...只係個飯對石頭飯嚟講真係太凍...食完埋單...有種覺得唔值的感覺

這個商場大多數餐廳門口比入內更熱鬧。所以拿了號碼籌還可以到商場逛幾圈...都未有位。哈哈, 絕對唔係講笑。是日晚餐~ 日式燒餅,尢魚夠晒多唔洗爭食，但份量略為細份d，不過睇返價錢都不太介意吧。這個牛肉飯一上台V先生已經係咁炒, 但第一次的鍋根本就唔熱連"咋咋"聲都無,所以整唔熟d牛, 叫待應換過竟然比人"窒"。這些服務態度出自和民真係覺得有點古怪。火鍋~食物到了, 但個爐等左好耐都未到。這個一件件叫, 好似有D貴, 因為好細粒今次WAITER比我地既感覺太差, 所以索性連甜品都唔叫。希望下次再黎有改善。

晚上十時許才覓食，選擇不多，得知和民營業至晚上十二時，而且換了新菜單，就特意來一試新菜。選擇和民，除了收得晏之外，這個時間來更不用排隊，想起某次晚飯時間等了個半小時有多，那種「餓過飢」的感覺，輪到你的時候已經不想吃了。(新) 特色海膽布甸  $33看完賣相可別誤會這道是甜品啊！這道是前菜海膽布甸，上層有海膽、蔥粒，側面綠色的應該是混入了沙律醬的芥辣，而下層是帶點奶香味的蒸蛋。我淺嚐了一口，想不到將這幾種滋味混合在一起能夠產生化學作用，所有用料都非常配合，感覺很清新，好像精心打造一樣，缺一不可。好味得一口接著一口，想要再來一份，可惜己經售罄。(新) 鮭魚冷豆腐  $33三文魚配沙律醬非常合拍，加上牛油果就更見清新。豆腐豆味濃郁，惟個人認為三文魚搭配豆腐好像沒什麼火花，好像純粹是因為怕太膩才加入豆腐似的，但整體而言味道亦不錯。(新) 豪華北海道海鮮飯  $88刺身也算新鮮，但份量略為少了一點，最後剩下飯不夠餸。而壽司飯的味道質感亦屬中下。(新) 海膽鮭魚子卷  $58三文魚子味道偏重，可能因為這個原因，幾乎吃不出有海膽的味道，壽司飯鬆散，劣。陶板明太子芝士玉子燒  $38蛋味濃，內層軟滑，

荃灣市廣場食肆選擇頗多，周日午時到和民不用等位。我一進入去，環顧餐廳內四周，有不少人都在吃石頭窩飯午巿套餐，相信應該不錯。，這個選擇唔錯。一人份量非常足，窩是真正熱烘烘，十分認真，飯在熱窩除可保溫，還可結有點飯焦。飯面有肉絲，菜，紅蘿蔔絲，芽菜，醃菜等及一隻生雞蛋，然後與調味及醬汁一起搞拌，咸味中又帶點甜甜辣辣，各不同材料味道與口感配合平衡。

本來是生日飯卻變成普通聚舊飯。。自上次在旺角文華的和民吃過後覺得不錯。。可惜已結業。。唯有轉到荃灣廣場裡再用餐。。看到menu還是繼續選擇困難症。。又想試新菜但又想再回味上次的食物。。「沙白蕃茄拉麵」：我沒意見，但友人說芝士粉稍少了點，蕃茄酸酸的頗醒胃。。「天婦羅烏冬」：沒特別驚喜，同樣把天婦羅浸在湯裡再吃。。友人點的是「紫薯牛奶」：有少許忌廉陪襯及奶味重，跟紫薯也超夾亦不會很甜；冰溶了會變稍淡味我的是「紫薯雲尼拿奶昔」：好像在吸已溶的雪糕，還有少許忌廉及紅豆陪襯「蜆肉芝士燒餅」：上檯不夠熱，蜆肉不是很多，芝士吃不到在哪裡「陶板明太子玉子燒」：自上次吃過後必點的食物，但這次好像縮了點水，較塌身還好依然軟熟甜品「抹茶芭菲」：抹茶雪糕不會很甜，綠色的cream 不錯，與紅豆也配合得很好，杯中很多粟米片，但吃到底超甜總括來說，整體是不錯的，待應都很有禮貌，等位的時間也不會等很久，亦不會趕客！

平時只睇食評...吾寫食評既我...今日終於忍吾住要寫一篇食評..今日撞正一田開張...原本想去隔離峰壽司食的...朋友話好耐冇食和民就入左去試...點知.中了很大個伏.首先...等位方面同峰壽司一樣...等左好耐先有得入...諗住坐低後可以落單好快有野食啦..點知吾係.嗌咗嘢食之後等咗應該有超過半個鐘都未有野食...見住之後入座嗰幾張檯啲客都有嘢食.心感不妙.就諗住叫個店員追下單.點知原來冇落到order.個店員行過嚟問我之前叫咗啲乜，佢仲話可能係其他同事太忙落漏咗.其實佢就係之前幫我落單嗰位.吾該自己落漏左單加冇記性就吾好賴啦...忙..我可以理解...但整個培訓都甘差...點做生意呀.

叫左幾樣野1.和民拉面 : 同公仔面質數差唔多 收$5X2.牛肉石頭鍋飯: 有幾條超級肥的肥牛+飯 冇汁 自己落左D豉油先食得落 仲要個石頭鍋甩左好多黑色灰出黎 食得多會生CANCER3.豪華壽司併盤: 還可 最正常

當時和民仲有tea set o既時候,我同家人行完街,咁就入去和民食tea~~真係幾抵架,near $40的1份石鍋海鮮飯,有沙律,餐湯,飲品簡直就係lunch份量 個石鍋海鮮飯 有 八爪魚,3文魚,普通石鍋飯有的配料,仲有泡菜分開上tim ar,附有分開上的略spicy的酸辣醬~熱辣辣,攪拌後有飯焦~飲品熱柚子蜜~都好大杯~甜甜的~家人order的滑蛋豬扒鍋望落去都覺得好正

是日經過﹐咁岩lunch﹐便入左去食。不過D食物好像和從前相去甚遠。炸物係好普通的菜﹐不過也許係上菜遲了﹐D炸物的外皮部分軟軟的﹐也許是因為被水淋過吧﹐不過軟晒真係感覺好差﹐味道上很平凡。串燒﹐用青椒和紅椒串燒雞肉﹐好西式﹐雞肉好嫩口﹐夠滑﹐青椒和紅椒都夠新鮮﹐好爽口﹐不過在日式鋪頭吃西式野﹐有點唔慣。芝士跼年糕﹐好香芝士味﹐一啦D芝士黏左好長﹐年糕好煙韌。

忘記了先給相機吃先，和民沙律一上枱，9秒9時間內已被瓜分，也忘了為蘋果小姐飲杯，祝賀生日快樂! 和民沙律 - 今次的沙律有吞拿、蝦、蟹子、西蘭花，藩茄等，伴以胡麻醬，一貫和民作風，欠驚喜5色刺身 – 甜蝦、魷魚、帶子、北寄背、三文魚，賣相與圖片一致，食才算是新鮮特上/ 豪華壽司盛合 - 這個就與餐牌有分別，吞拿魚燒過，變成迂黑色的，帶子也少了一邊，鰻魚味淡，很乾，最大問題是壽司一夾即散，飯的黏性度或是手握度都有待提升串燒盛合 –有波菜牛肉串、雞軟骨、雞翼、豚肉卷，可惜又忘了影相，不然可給大家估下那是什麼，此菜式一上枱，我們也嘩了一聲，感覺「咁肉酸」，又散又爛，牛乾而冇味，不值一吃刺身盛岡冷麵 – 竟然是最後才上枱 (約半小時)，有點韓式泡菜的辣，加上冰凍的感覺，夠透心，惟刺身像是送頭送味的，不是一片片，是碎邊的食品質素退步了，惟我們心情超靚，所以會給OK 臉!

用餐日期：29/7/2012 (午餐)(系統的「用餐日期」依然係唔work囉，點搞先？) 我知星期日過來大商場的食肆食飯一定要等好耐，無計，想食嘛。我和媽子的策略：由爸爸等位，我和媽子去逛商場。到兩點鐘才有得進場…等很久哩！不過又因為過了最旺場時間，場內變得較靜閒。幸好，我們被安排到一個偏廳，內裡約有五﹑六張餐桌，只有三張有客人，較靜。媽子說：「如果這個時候坐外面落地玻璃餐桌，一定焗死呢！」我認同。另外，這個偏廳自成一角，沒有像外出的大堂這個嘈雜，環境寧靜和燈光柔和，日式的紅黑配搭都給食客帶來舒服的感覺。可能太遲吃午飯，所以特別肚餓，我們三人都被菜單上的 "石燒" "NEW" 和泡菜的那「兩隻辣椒」吸引了，點了三份不同的石燒飯套餐。另外也點了一份「天婦羅盛合」。套餐跟沙律。另外可以配搭冷熱飲品，和民有這一點好的是，除了平時會有的咖啡奶茶檸茶之外，還有一些特飲不用加錢。爸爸揀熱奶茶，我媽揀熱茉莉綠茶，而我則揀蜂蜜梅蜜梳打。有時想：石鍋飯是日式菜還是韓國菜？有沒有可以答我呢？而這三款石鍋飯之中，以較接近韓式的「石鍋泡菜飯(牛肉)」最好味。爸爸選的「石鍋星鰻魚飯」的鰻魚只舖了鍋面的一半面積

差不多平均每個月都會食兩次和民^^因為喜歡呢度環境和氣氛都岩曬同朋友傾計.今次,兩個人叫左set壽司,味道無特別,不過不失.石頭飯~味道不錯.不會太乾身豚平燒~必食之中選,雞蛋包住軟滑的豚肉加上酸酸甜甜的醬汁,好juicy~good!忘記了是可樂餅或是忍簾餅....有點兒"火農",味道亦一般最後當然係甜品,又係必點的,好大碗,可以兩個人share食!綠荼雪糕,正!服務員亦好nice~好勤力加水~推介!