巴辣仔烤魚

营业中

休息中

虽然烤鱼呢样嘢，好似喺香港流行咗好耐，但系原来我一次都未食过🤣今次想Farewell个朋友，佢话想食多啲亚洲菜，于是终于有机会尝试食烤鱼。因为我食鱼好怕腥同有骨，所以拣咗一间喺香港有几间分店嘅舖头，而且仲标榜系活鱼。除咗烤鱼之外，餐厅仲有其他充满四川风味嘅食物。我哋嗌咗爆柠酸菜烤鱼，因为担心太辣，所以只系叫左小辣，如果怕食辣嘅人可以拣唔辣。个鱼好滑身好肥美，会feel到肥美嘅鱼油，果然系新鲜嘅鱼，真系一啲腥味都冇。而且除咗鱼肚位有骨之外，其他位都冇碎骨，可以放心，啖啖肉咁食🥰另外我哋仲加左肥牛同埋薯粉，肥牛嘅油脂分布平均，容易咬开唔会太韧。薯粉配劲多嘅酸菜真系好好食😋除咗烤鱼，我哋仲叫咗几种串烧。只系叫咗BB辣，但系食落比个鱼更辣🤣个人最钟意鸡翼同埋鸡软骨，好香孜然味，好正😋嘢饮方面，我哋嗌咗水果茶同埋金菠萝，水果茶劲大杯，而且水果种类好多。见到有西瓜苹果哈密瓜喺面。至于另一杯菠萝特饮，个卖相都好靓，都几惊喜嘅系菠萝配淡淡嘅绿茶香味，好夹🥰最后食咗自助嘅冰粉，用嚟解辣啱啱好。