禾璽牛肉海鮮火鍋

营业中

休息中

最近去咗尖沙咀一间新开嘅火锅店，真系要同大家分享！超抵嘅二人套餐，$398就搞掂。重点系个汤底，贵州肌里红酸鱼汤，唔系一般嘅酸辣汤，而系用蕃茄同辣椒打碎之后，发酵足足一个月，先至做成嘅！酸味好天然，酸得嚟好够劲，唔会呛喉，辣度又啱啱好，唔会过火，饮落去即刻醒胃，真系开胃神器！一饮落肚就觉得好满足！除咗汤底劲有特色之外，佢哋啲配菜都唔差。一碟吊龙牛肉，切得靓又够厚，煮完出嚟好嫩滑，配埋手打牛肉丸，有肉汁又弹牙。仲有佢哋嘅招牌脆皮鸡，皮脆肉嫩，一试就知系有心机整嘅喜欢食内脏嘅朋友，呢度仲有鸡杂，包括鸡心、鸡肾、提灯同鸡润，肉眼睇得见嘅新鲜，如此配搭在外面并不常见 。配料齐全，食落真系够丰富。再加埋蔬菜拼盘、高山笋心同油条，火锅点少得佢哋呀！最后仲有两罐饮品包埋，两个人食，份量啱啱好，抵到笑。如果多人一齐黎，佢哋仲有个四人餐，$600 + 1服务费，咁即系人均百几蚊就食到咁丰富，呢个价钱喺尖沙咀真系少见！—————-𝙒𝙚 𝙤𝙧𝙙𝙚𝙧𝙚𝙙:二人套餐贵州肌里红酸鱼汤（乌江鱼）吊龙一碟招牌脆皮鸡（一盘）新鲜鸡雅（一盘） 鸡心鸡肾、提灯、鸡润蔬菜拼盘高山笋心油条手打牛肉丸饮品两罐四人餐更是$600