明德粉麵茶餐廳

营业中

休息中

今日去点左个精选午餐星州炒米食，个餐包一碗例汤及热饮44蚊。咁好啦，就同个侍应讲"星州炒米饮热柠水”。个餐黎左食左几啖，就问侍应个例汤未到，佢居然答我你冇例汤，因为你点嘅系下午茶！咁我即时望一望个menu,见到下午茶嘅星州炒米又系44蚊，有咩分别，佢跟住好大声理直气壮话价钱冇分别，只系下午茶嘅量少左及冇汤咁我问点解我会变左下午茶餐。佢竟然话"因为我见到你望过下午茶menu",救命呀！你一叠menu放响枱，有早餐，常餐，快餐，粉面餐，下午茶餐，晚餐……放埋一齐，我点野食一定要望架。而我最后系望住墙上精选午餐点星州炒米！正系依个时候，(戏玉黎啦)后面有个女人喝叫"咩事，嘈乜野，话左冇就冇！”全场都听到。(此人应该系佢地呀头，因吾洗著制服)。虽然我𠮶刻个心离一离，但都将自己讲野音量调高2度，据理力争！又在此时，另一个女人从收银处出黎一齐围住我，(应是老板娘)差住腰问我想点，我当时问点解变左下午茶餐兼冇汤。咁佢就叫人舀一碗汤俾我。咁我都就咁算。碗汤饮左一啖。哗！沟晒水嘅！1D味都冇。之后我真系吾够胆饮。谂住快快食完走，但佢地班人仲专登喺你旁边讲D单单打打唧说话。结论系，一碗例汤啫，真系咁矜贵？