譚仔三哥米線 (軒尼詩道)

营业中

休息中

哈哈，谭仔米线食得多，但系谭仔三哥就未试过。早前同契妹讲开，佢好奇怪我从未食过，所以今日同契妹去完薰脚就去左三哥试下喇。我地大约九点九到，人唔多，唔洗等位。我点左猪腩、竹笙、鱼腐，汤底系三哥酸辣四小。契妹点左豆卜、腐竹、竹笙，汤底三哥酸辣二小。再加两个小食：麻辣汁皮蛋及重庆口水汁云耳。我落完柯打一阵先醒起大镬我唔记得要求米线淋D，因为食开谭仔如果唔讲有时真系会煮左都好硬。但三哥呢间又唔会㖞，无讲D米线都煮得够淋身。黎到第一样就系先试下个三哥酸辣汤底，我个人喜欢四小多个二小，因为饮落四小个辣味淡D酸味重D啱我钟意食酸嘅口味。我都同意契妹所讲三哥酸辣好味过谭仔酸辣，因为个辣味带麻辣，多一个层次，而且可以按个人喜好拣辣度。𩠌方面其实大同小异，不用多讲。至于小食方面，三哥的皮蛋、云耳都可以拣不同酱汁，我地皮蛋拣麻辣汁，云耳拣口水汁。不过我个人觉得个麻辣汁唔多够味，唔麻唔辣，但个皮蛋本身抢返D分因为个心虽然未至糖心但都软软的好香好滑。至于口水汁云耳就算合格，但仍然可以重味返小小。