うどん処 今助

营业中

休息中

今助好似有唔少分店，但我地系第一次食，因为行开大角咀呢头，见到佢大大间又几企理就入黎试下。价钱方面，都系一般日式乌冬店既价，都几合理。我觉得我拣呢个自选饭拼冷乌冬系最抵！成个套餐先$65，个饭同乌冬都唔细，够晒饱肚！鳗鱼份量虽然唔多，但口感好软熟，唔会话咬唔断或者皮好厚，饭亦都捞匀晒鳗鱼汁，黏身有咬口，不过鳗鱼汁就唔系好够香。反而乌冬就比较失色，面条太韧，都要d牙力先咬得断，冷面汁偏咸又唔香，好似普通豉油咁。但整体以呢个价钱黎计都几值既！另外个腐皮乌冬都要＄59，相对地就冇个餐咁抵啦！只系一个好普通既乌冬，乌冬个质地又唔系话好滑好弹牙果种，不过腐皮都几甜既。