牛石料理 (已結業)

有幸得朋友推介，可以有机会大享口福，佢推荐左一间日式烧肉比我，揾下间野估唔到系九龙城入面。冇几耐就同chicken入黎食个饭，就系依间「牛石料理」。九龙城最出名就系泰国菜，但估唔到除左泰菜之外都有唔少值得推荐既餐厅。内在环境带淡淡日本和风，水吧位摆放大量日本酒，餐厅以卡位为主，每个卡位都有一个铁板，大家自助式烧肉～因为种类太多，搞到唔知嗌乜好，好想咩都试下但又颇贵，所以同chicken最后一齐嗌左二人套餐，包括有5款和牛，前菜、刺身、炒杂菜、天妇罗、饭同甜品，感觉相当丰富，一于决定嗌佢!呢间日式烧肉既铁板系用左「麦饭石」呢个材料，可以有更多矿物质之余仲可以令食物更有营养～食烧肉紧系唔少得个沾酱，左至右：枝豆酱，芝麻酱，烧汁三种选择，味道从淡到浓。蟹籽沙律，蟹籽好新鲜，颗粒感强，同埋沙律一齐食够fresh又开胃～刺身拼盘(3点4切)，随机分配3点刺身，刺身色泽望落几鲜艳，三文鱼肥厚鲜甜、八爪鱼烟韧多汁，整体唔错。杂锦天妇罗，由瓜类到虎虾，外脆内暖，虎虾口感弹滑，热辣辣最好食，感觉炸粉适中，唔会过多或过少。日式炒杂菜，炒得比较油所以要扣啲分，chicken试过用黎放落「麦饭石」到炒，有少少