東來順

营业中

休息中

大家请留意，东来顺系冇猪肉既，所以佢地卖既小笼包系牛肉馅或鸡肉馅。　推介一：鐡板烧羊肉　第一次食到D完全唔苏既羊肉。开头见到个𩠌黎个阵时以为系鐡板烧牛肉，所以连相机都唔攞出黎。点知见到平时唔食牛肉既友人都食得咁开心既时候就多口问佢系咪食返牛肉。佢就话我地知食紧羊肉。D羊肉好薄好嫩，真系唔话你知，你系唔会估佢系羊肉，因为完全唔苏！当我攞个相机出黎时碟𩠌都清哂。　推介二：片皮鸭　片好皮你有得食既时候个鸭重系热架，真系好难得。肉里面重有少少汁，所以唔会觉得鸭身干。正！　推介三：时鱼　虽然佢咁多骨，但系食过一次之后，而家爱上左佢。今次东来顺做得好好。我谂条鱼本身系嫩口，所以去到边都系好滑。跟埋师傅教个汁，D鱼真系好鲜甜，正！　拆骨鱼头：食完多骨既鱼，食返D冇骨既鱼觉得好轻松。味道好浓，最欣赏系佢索哂味既粉皮。　shabu-shabu 羊肉：同个鐡板烧一样肉身都系咁薄咁嫩，不过咁煮就有少少苏味。所以我都系钟意个鐡板烧多D。　推介四：玫瑰糕　好香，好清甜，好light既甜品，有D似我深爱既桂花糕。我自己都食一碟。