米炊 (國際金融中心商場)

营业中

休息中

恕我孤陋寡闻，牛肉汉堡扒切开系白色嘅肉，食落完全冇牛肉味，肉质同牛肉完全唔一样，确定唔系用猪肉滥竽充数？再次攞本菜单确认冇猪肉汉堡扒，收据显示冇落错单，确认过店员佢系牛肉汉堡扒，仲问我有乜问题，写住系牛肉汉堡扒。唔通我order 嘅时候冇睇到系牛肉汉堡扒而家先黎质疑佢？虽然呢间餐厅价钱唔系收得好贵，我都唔系期待去用和牛做汉堡扒俾我食，亦唔评价味道如何，但驶唔驶俾啲连牛肉味都冇，或者系无论望落抑或是食落都完全唔似牛肉嘅「牛肉汉堡扒」咁嘅质素嘅食材大家啊？如果店家嫌新鲜牛肉入货价贵嘅话可以加价，但唔好上啲货不对办嘅嘢ok?食咗少少食唔落，下午个胃唔舒服咗成个下昼，肚屙又想呕。系唔系牛肉唔知，不过食材唔新鲜就系一定了！建议食环署应该check check.本来觉得呢间出品还唔错，而家越做越差，唔会再帮衬，直接打入黑名单，大家小心中伏！